Rannsóknakonan röflar

Er í fríi

2009-04-02T23:48:00.001Z

Góður dagur :)

2009-01-06T23:47:00.003Z

Einn einn afmælisdagurinn í dag. Orðin 29... mæ ó mæ... tímin líður svo sannarlega hratt. Bara ár í þrítugt! Jiii... hvað maður er orðinn fullorðinn, en það er bara gott og eðlilegt mál að verða árinu eldri. Nú er bara að njóta þess að vera orðin 29 með öllum þeim lystisemdum sem því fylgir.. haha....

Átti góðan afmælisdag. Fór í vinnu, kláraði mín verk þar og fór svo á Selfoss í mat hjá sys með fjölskyldunni. Fékk góðan mat, eftirrétt og horfði svo á rosa flotta flugeldasýningu. Góð stund í góðum hópi.

Fékk svo fullt af kveðjum í dag, alltaf gaman þegar einhver man eftir manni - takk fyrir þær :-)

Mikilvægi rauðvíns á þessum árstíma...

2008-12-24T16:32:00.002Z

2008-12-24T16:21:00.003Z

~~~~~~~~~~~~

Óska ykkur öllum

Gleðilegra jóla og

farsældar á komandi ári

Vona að þið hafið það gott

yfir hátíðirnar

Jólakveðja

Katrín

~~~~~~~~~~~

ég er búin..

2008-12-15T19:24:00.003Z

... í prófum... ég er búin í prófum....
:)

Gleði gleði gleði gleði

Ég hlakka svo til, ég hlakka svo til, ég hlakka...

2008-12-15T11:36:00.002Z

Eftir rúmar 6 klukkustundir verð ég búin í prófum.
Oh.... vildi að ég gæti bara hraðspólað smá og klukkan væri 18:00 :-) En það er ekki svo langt þangað til, alveg hægt að bíða.

Mikið ætla ég að njóta þess að slappa af í kvöld.
Aldrei að vita nema maður skelli sér bara í pottinn í kvöld með einn kaldann. Held það væri sko ekki svo vitlaus hugmynd.

Jeij!

Bara 2 dagar eftir

2008-12-13T23:27:00.003Z

Á bara eftir að læra í tvo daga og taka eitt "lítið" próf og þá verður prófatíðin þessa önnina búin!
Jahúúú..... Mikið verður það nú ljúft.

Hef nú svosem ekki frá miklu að segja. Síðustu dagar og vikur reyndar, hafa verið eins. Vinna, borða, sofa og læra. Er komin með algjört ógeð á því sem kallast lærdómur svo að sjónvarpsgláp, netið og að ógleymdu "$%&%## facebook (þvílíkur tímaþjófur sem það nú er) hefur verið mun skemmtilegra/áhugaverðara og hafa bækurnar því fengið að finna svolítið fyrir því. Oh.... ég bara nenni ekki meir en það sér nú fyrir endann á þessu, sem betur fer. Þessir síðustu dagar verða teknir á hörkunni.
Að venju hef ég svo sett mér þau fyrirheit um að vera duglegri að læra næstu önn. Held ég verði hreinlega að standa við það í þetta sinn. Því með vinnu dugir víst hangs og skipulagsleysi í náminu víst ekki vel, er alveg búin að læra það (læri allavega eitthvað :o) ). Verð bara að vona það besta - hlýt að ná 'essu.

Að loknum prófum ætla ég að gera ótalmargt. Byrja á því að taka rækilega til, það er orðið frekar ruslaralegt hjá mér. Svo ætla ég að vera óskaplega artí og skella mér á glerlistanámskeið með nokkrum stelpum úr vinnunni og reyna vera skapandi (komast aðeins úr rökhugsanaferlinu sem ég er búin að vera í) og búa til eitthvað fallegt. Að auki á ég eftir að gera nokkra smávægilega hluti eins og að skrifa jólakortin, kaupa jólagjafirnar og pakka þeim inn og þar af leiðandi fara í óteljandi ferðir í Smáralind, Kringluna og verslanir hér og þar, hitta saumó í jóladinner, vinna fullt og komast í smá jólaskap. Já það verður sko nóg að gera. Það sem mig langar samt mest að gera þessa stundina er að kíkja eitthvað út á lífið, skella mér í glamúrgallan, fá mér kokteil og eiga skemmtilega stund með vinkonunum. Vonandi verður nú eitthvað af því á næstunni, vill ekki einhver kíkja á smá tjútt? :)

En nóg af væli í þetta sinn. Nú er smá quality time við TV-ið.

2008-12-03T10:03:00.002Z

Fyrsta prófi í dag....
Eftir tæpar 4 klst. verð ég byrjuð að reyna leysa það. Markaðsfræðin er þraut dagsins í þetta sinn. Skemmtilegt fag - en allt of mikið af stefnum og svoleiðis dóti sem þarf að muna/læra. Fer bara allt í einn hrærigraut.

Úff... Finnst ég búin að gleyma öllu sem ég búin að vera reyna troða inn í kollinn þessa síðustu daga. Sji....

Anda inn... anda út.....

Laugardagskvöld!

2008-11-22T18:07:00.003Z

Mig langar út í kvöld.
Út að djamma og hafa það skemmtilegt.

En það er ekki í boði. Er ströng við sjálfa mig og það verður ekkert tjútt og fyllerí fyrr en að prófum lýkur. Er ekki einhver geim í eitthvað skemmtilegt 15. des.? Það er nú að vísu mánudagur, svo alvöru próflokatjútt verður að bíða eitthvað örlítið lengur.

Á meðan þá verð ég bara að láta kartöfluflögur og pepsi MAX duga (og Bailey's með bókhaldinu - til að gera það bærilegra).

14 dagar...

2008-11-18T22:39:00.000Z

...í fyrsta próf.

Crap!

Mæli með....

2008-11-13T20:41:00.003Z

Silfursafninu hans Páls Óskar. Splæsti í það áðan og er búin að vera hlusta, fullt af skemmtilegum lögum, algjört æði! Nú langar mig helst að fara út að tjútta og dansa eins og enginn sé morgundagurinn. Uppáhaldslagið mitt með honum er nú samt eitthvað allt annað en danslag, heldur er það Ást við fyrstu sýn - brúðkaupslagið ógurlega (það er einmitt í spilaranum núna) :)

Svo veitir nú ekki af að eiga eitthvað svona gleðipopp í allri þessari neikvæðni hér á klakanum. Hef bara tekið þann pól í hæðina að hætta að lesa allar þessar fjármála-, gjaldþrota-, atvinnuleysis-, peninga og kreppufréttir, bara eitthvað skemmtilegt. Maður verður bara niðurdreginn af því að lesa um þetta allt saman og kollurinn verður fullur af einhverjum áhyggjuhugsunum. Og það veitir nú víst ekki að hafa kollinn í lagi þessa dagana því það styttist all verulega í þessi próf! Ó nó... Nóvember fer bara að verða búinn bráðum..... sjæjse! Nóg er eftir að lesa og læra svo það þýðir nú ekkert annað en að spýta í lófana og tækla þetta af öllu afli ef maður á að ná. Vildi helst að ég ætti einhverja fjarstýringu þar sem ég myndi bara ýta á pásu og tíminn myndi bara stoppa, nema hjá mér auðvitað, og þá gæti maður gert það sem gera þyrfti og klárað þetta með glans. Það væri gaman :)

*Varúð***Varúð* c",)

2008-10-29T22:15:00.002Z

"Litli" bró á afmæli í dag.

Stórafmæli hjá stráknum því í dag fékk hann bílprófið! Svo nú megið þið fara vara ykkur á götum úti því enn einn "ökuníðingurinn" hefur bæst í hópinn ;-)

Reyndar er hann enginn ökuníðingur heldur bara ágætis bílstjóri, a.m.k. í þau skipti sem ég hef setið með honum í æfingarakstinum. Hér með panta ég bara einn löglegan bíltúr hjá afmælisbarninu við fyrsta tækifæri :)

Til hamingju með daginn og prófið "litli" minn.

---

2008-10-27T20:25:00.003Z

Hvað skal gera ?

Plan kvöldsins var að sinna náminu, vinna smá viðskiptafræðiverkefni. En málin hafa vandast eilítið.

Gerði þau mistök (eða ekki mistök) að kveikja á sjónvarpinu og þar sá ég viðtal við sir David Attenborough og í framhaldi af því komast ég að því að það er að byrja með honum ný sería í sjónvarpinu. Líffræðinördinu í mér langar vissulega að horfa, þættirnir hans eru svo áhugaverðir og oft mjög skemmtilegir (fyrir svona nörd). Að vísu fjallar átturinn um skriðdýr og froska, sem eru nú kannski ekkert uppáhalds, en samt gaman að sjá hvað þetta eru sniðug kvikindi.

Svo í hvað skal verja kvöldinu? Næra það sem eftir er af líffræðiáhuganum eða sinna verkefninu í skólanum, sem er af aldeils allt öðrum toga og reynir alls ekki á líffræðilegan þankagang.

Kannski ég geri bara sittlítið af hvoru..... ;o)

Er að þykjast...

2008-10-24T20:39:00.003Z

....að vera læra.
Það gengur nú samt allt annað en vel. Ég ætti að vera búin að lesa og reikna fullt af dæmum frá því ég kom heim úr vinnunni en ég er ekki búin að gera neitt af því.

Í staðinn hef ég:
- drifið mig í surtu (alveg bráðnauðsynlegt að vera með hreint hárið við lesturinn)
- horft á Ugly Betty (smá skemmtun)
- sitjið og spjallað (til að augða andann)
- fengið mér kvölmat (lífsnauðsyn)
- setið og horft á tölvuna og velt því fyrir mér hvar ég eiginlega að byrja... (ekki alveg nógu gott)

Eina sem ég er búin að gera og tengist námi á einhvern hátt er að hafa skráð mig í kúrsa fyrir næstu önn. En ætli það sé nú samt ekki betra að halda einbeitingu við það sem er að gerast núna og reyna klára þá sem ég er í. Ekki misskilja mig þó, mér finnst námið mitt ekkert leiðinlegt - ég kem mér bara aldrei í það að læra, þar liggur vandamálið! Eftir vinnudaginn verður hvíld og afslappelsi í sófanum miklu meira freistandi heldur en lestur.

Er farin að læra eða ekki....

Lag dagsins: "Time To Pretend" með MGMT

ABSOLUT

2008-10-23T00:11:00.003Z

Markaðsfræði varð fyrir valinu að vera stúderuð í kvöld.

Rakst á þessa skemmitegu mynd í kennslubókinni og mátti til með að sýna ykkur hana. Það væri nú gaman ef þetta væri hægt :) Lærdómurinn getur verið skemmtilegur stundum!

...og fyrst ég er nú að "auglýsa" ABSOLUT, munið eftir þessari ;-)

Oh... hvað ég væri til í að sjá SATC aftur!

Á brauðfótum.

2008-10-22T19:34:00.002Z

Í gær stóð ég á hálfgerðum brauðfótum.
Ástæðan er þessi. Dreif mig í ræktina með nokkrum vinnufélögum til einkaþjálfara sem tók okkur heldur betur í gegn. Ég hef ekki verið að mæta mikið í ræktina að undanförnu (köllum þessa pásu bara gott sumarfrí) svo að formið er nú ekki upp á sitt besta. Þau sem fóru með mér hafa verið mun duglegri að mæta. Ég gerði þó eins og ég gat til að halda í við þau og meðan ég svitaði, puðaði, æ-aði og ó-aði stóð þjálfarinn og hló að okkur og fannst voða gaman að sjá okkur "kveljast" svona. Að æfingu lokinni bar ég mig þó nokkuð ágætlega, en þegar líða fór á daginn fór þreytan og kraftleysið í löppunum að koma fram. Svo... ég vissi nokkrun veginn við hverju ætti að búast í dag.

Í dag voru brauðfæturnir alveg farnir. Í staðinn vaknaði ég í morgun ég með blýfætur og þessar fínu harðsperrur. Það voru hálfgerð átök að koma sér fram úr og staulast upp. Mikið geta þessar lappir þyngst á einni nóttu. Nú finn ég líka fyrir öllum þessum vöðvum sem hafa fengið að rýrna í pásunni og eru farnir að láta vita af sér. Æ, mig auma!

En þetta er ágætist spark og áminning um að fara hreyfa sig aftur af einhverju viti. Næsta mál er bara að mæta í ræktina til að liðka kroppinn og svo hitta þjálfarann aftur! Ég get, ætla og skal :)

On the edge...

2008-10-17T15:05:00.002Z

Stjörnuspá dagsins:
Þú leyfir villtu hliðinni að koma í ljós. Er hægt að lifa á blábrúninni og líka vera í góðri vinnu? Þú reynir að komast með því að skemmta þér ærlega.

Skemmta mér ærlega ??? Ekki er það á dagskrá helgarinnar. Upphaflega átti þessi helgi að einkennast af 100% lærdómi, taka smá skurk í 'essu og ná upp einhverju af þessu slugsi í mér. En við þetta hefur bæst boð í afmælisveislur, og ekki bara eina heldur tvær á laugardag og sunnudag. Það er nú skemmtilegt :) Svo í stað þess að sitja hugsandi yfir bókunum þá á ég eftir að sitja og troða mig út af góðgæti og helgin mun örugglega einkennast af c.a. 30% lærdómi. En það verður bara bætt upp í næstu viku. Er þa' iggi bara!

Ein bleik

2008-10-14T15:59:00.002Z

Búin að fá mér eina bleika á barminn.

Mér finnst hún svo fín og flott.

Eruð þið ekki líka búin að kaupa ?

Fór Norður...

2008-10-10T12:23:00.003Z

...og svo niður.

Er á Akureyri núna. flúði krepputalið í Reykjavík. Var bara grand á því og tók flugið hingað í gær til mæta í skólann. Nennti ómögulega að fara keyra ein í myrkri og slyddu á sumardekkjunum - voða lítið vit í því. Hossaðist því í staðinn í lítilli rellu og tók ferðin bara örskotsstund, svona því sem nemur að keyra að Hvalfjarðargöngunum, þvílíkur munur. Mallakúturinn fór að vísu alveg á fulla ferð í fluginu og var ég mjög glöð að vera komin niður á land aftur þegar við lentum. Held ég hefði ekki meikað nema max 10 mín í viðbót af flugi, ef ég hefði verið lengur hefði ferðin örugglega endað frekar subbulega svo ég segji ekki meir, oj oj oj.....

Lífið hér á Akureyrinni hefur bara verið fínt. Verð nú samt að segja að ég saknaði bílsins míns frekar mikið í morgun þegar ég var að labba í skólann. Göngutúrinn tók aðeins meira á heldur ég bjóst við, enda er það smá mál að labba upp í mót, með fartölvuna, veskið og bakpoka með fötunum mínum (því allra nauðsynlegasta þó). Var því heldur betur sveitt og móð þegar ég mætti í skólann, æðislegt. Svo núna er ég á fullu að nema viðskiptin svo ég geti nú bjargað landinu frá þessu kreppuástandi, vonandi verður það ástand þó allt fyrir bí þegar námi lýkur. Heimferð er svo í kvöld strax eftir skóla svo ég fæ sofa í mínu bóli í nótt. Næs!

Helgin verður örugglega í rólegri kantinum. Ætla að sinna frænkuhlutverkinu annað kvöld og láta reyna á barnapössunar-hæfileikana. *Krossa fingur* Og svo er stefnan sett á að kíkja eitthvað á fólkið mitt í sveitinni, orðið soldið langt síðan síðast. Kannski að það verði kíkt eitthvað í skólabók - hver veit :)

Ó... króóónaaaa, where are yoooou!

2008-10-06T23:02:00.003Z

Tjah... maður spyr sig eftir þennan dag. Hvar eru nú aurarnir mínir?
Eru þeir fáu aurar sem maður á og hafa verið lagðir til hliðar í sjóði og einhvernógurlegasniðugansparnað bara fuðraðir upp, eða hafa þeir það bara gott í bankanum ? Ég vona alla vega að þessir kallar í bankanum séu að segja satt og þetta verði allt OK. Kemur vonandi í ljós á morgun! Annars verð ég bara að fara í bankann og ná í þessa fáu aura og geyma þá undir rúmdýnunni, þeir yrðu kannski bara best geymdir þar (ættu ekki að taka allt of mikið pláss), nema verðbólgupaddan éti þá bara upp -þá væri best að eyða þeim áður í einhverja vitleysuna áður en það myndi ske!

En það getur nú líka stundum verið gott að eiga ekki neitt. Ég er að minnsta kosti ekki með nein ofur húsnæðislán sem belgjast út eða bílalán í erlendri mynt þar sem afborganirnar hækka um maaarga þúsundkalla. Svo þetta er ekkert alslæmt.

Æj....
Stundum er bara gott að vera svolítill lúði sem er ekkert að flýta sér að verða "fullorðin"!

Heilsan...

2008-10-05T21:13:00.003Z

....er orðin eitthvað betri. Er orðin hress en hósta eins og ég fá borgað fyrir það. Hér á heimilinu er lika allir veikir eða búnir að vera veikir. Trendið í þessari pest hefur verið lungnabólga og hugsa ég að ég hafi nú alveg fengið einhvern snert af henni, allavega surgar nógu mikið í mér í hóstarassíunum og hljóma stundum eins og gamalmenni. Spurning um að kíkja kannski til doksa ef þetta hættir ekki, en ég hugsa nú að ég hristi þetta bara af mér. Verður maður ekki að vona það?

Auðvitað hefur ljótan gert innrás samfara þessari pest. Dásamlegt! Að auki hefur kuldaexem tekið sér bólfestu í kinnunum á mér svo ég er ekkert allt of ánægð með útlitið á mér þessa dagana. Finnst ég sárlega þarfnast þess að fara í klippingu og lit&plokk. Verð að bæta úr því við fyrsta tækifæri. Að minnsta kosti verður púðrið, maskarinn og allt það alveg nauðsynlegt áður en mætt verður í vinnuna á morgun

En ætli maður geti fengið frí í vinnunni út á ljótuna ? :o)

Eitt ár!

2008-10-03T10:20:00.009Z

Ótrúlega líður tíminn hratt. Í fyrradag var heilt ár frá því að ég byrjaði í "nýju" vinnunni minni. Mér finnst ég bara vera rétt byrjuð! Ég er búin að læra alveg heilmargt á þessum tíma, en finnst ég samt sem áður eiga svo margt ólært. En þetta er samt búið að vera mjög skemmtilegt ár, vinnulega séð. Er að vinna með skemmtilegu fólki, mórallinn er góður og mér finnst vinnan mín skemmtileg - svo ekki kvarta ég!

Til að halda upp á "afmælið" er ég heima í dag, lasin :( Er með kvef/hósta, einhverja hitavellu og slappleika. Ekki gaman, en það gæti þó verið verra. Ein vinkona mín kom með það komment að ég væri bara heima að þykjast vera lasin svo ég gæti verið úti að leika mér í snjónum sem kom í gær/nótt - ekki svo galin hugmynd og væri ég frekar til í það heldur en að sitja inni á náttfötunum með tölvuna í fanginu.

Esjan falleg í vetrarbúning

Þessi var að reyna komast inn úr kuldanum, brr...

Kannski að ég reyni nú að láta verða eitthvað úr þessum degi, svona á milli lúra. Þarf að klára heimadæmi í stærðfræði og læra fyrir próf í fjárhagsbókhaldi sem er nú um helgina...

En ætla fara og láta mér batna! (og læra) :-)

Ljúfa Leiden

2008-10-03T10:01:00.011Z

Hollandsferðin var alveg æði.

Lifðum ljúfu lífi þarna úti. Hvað er betra en að sitja út í góða veðrinu í góðum félagsskap með
kalt hvítvín, nú eða eitthvað annað álíka gott, við höndina og eiga góða stund. I love it!

Svo var að sjálfsögðu kíkt eitthvað í búðirnar. Ég ákvað að láta allt gengistal og krónufall sem vind um eyru þjóta og bara njóta þess að vera til og straujaði vísakortið óspart í búðunum. Svo núna á ég fullt af nýjum fínum fötum fyrir veturinn :) og feitan vísa reikning.... en það er seinni tíma vandamál! Svo getur maður alltaf litið á björtu hliðarnar því að ef ég væri að fara núna út þá væri krónan orðin miklu lægri en hún var um daginn, svo það er í raun hægt að segja að ég sé búin að spara fullt af peningum miðað við að þetta myndi kosta allt svo miklu meira núna heldur en það gerði fyrir nokkrum dögum..... (*afsakanir afsakanir*)

Auðvitað kíktum við á tjúttið í Hollandinu. Skoðuðum Hollensku gelgæjana aðeins - fyrir þá sem ekki vita þá nota mjög margir strákar þarna óspart af geli í hárið, svo mikið að það verður bara ljótt. Annars er kosturinn við þessa gaura þarna í Hollandi að þeir eru sko aldeilis af réttri stærðargráðu, kvarta sko ekki yfir því, en já.... þeir eru kannski ekki af jafn mikilli fegurðargráðu og þeir eru stórir. Too bad! Svo við létum þessa stóru djélluðu gæja bara eiga sig. Þannig að það eina sem við vorum uppteknar af var að skemmta okkur, drekka mojito og dansa af okkur tærnar. :-)

Þessi nokkurra daga dvöl í útlandinu kitlaði sko alveg "búa í útlöndunum" taugarnar. Oh.... good times, good times. Sakna þess soldið frá því að hafa verið út í Dublin hvað allir voru "laid back" þar, ekkert stress og þetta sífellda kapphlaup sem maður verður ósjálfrátt þátttakandi í hér á klakanum. Dvölin í Leiden rifjaði það allt saman upp fyrir mér. Hér þurfa (eða okkur finnst það allavega) alltaf allir að eiga það nýjasta og flottasta og einhvern veginn er aldrei neitt nógu gott fyrir okkur - það vantar smá nægjusemi í okkur. Auðvitað er ég ekkert að alhæfa neitt um það að allir séu svona hér, síður en svo, en þetta er það sem mér finnst vera normið hér. En er líka örugglega það sama annars staðar líka. En nú er bara að sjá hvað framtíðin á eftir að bjóða uppá og hvað maður gerir. Á maður að kíkja í útlöndin eða vera í kapphlaupinu hér? Smá pæling!

En ætla nú ekki að fara þreyta ykkur með svona tuði... hér koma bara nokkrar pics úr ferðinni :)

Auðvitað fórum við í smá túristaleik í sólinni. Skoðuðum eitthvað voða gamalt virki í miðbæ Leiden.

Anna og Ásta tjilla í góða veðrinu. Fékk þarna ógeðslegasta kokteil sem ég hef pantað mér, er þarna á borðinu, svo ef ykkur langar í viðbjóð - panitð þá fruit daquiri..... ojojoj....

Morgunmatur meistaranna! Nýbakaðar vöfflur og böbblí með jarðaberjum :-)

Í góðu geimi á gelgæjastað í Den Haag, meeeen hvað þeir voru góðir mojitorarnir sem þeir seldu! Sluuurp!

2008-09-28T20:45:00.004Z

Hæ hó!

Jábbs! ég er enn á lífi... veit nú ekki hvort það sama verður sagt um þessa síðu. Skrif inn á hana eru nú orðin/hafa verið heldur stopul. Léleg bloggskrif eru nú ekki af því að engu sé frá að segja, síður en svo... ég er bara alveg dottin úr gírnum. Samt finnst mér nú gaman að lesa þetta gamla bull í manni og sjá hvað maður hefur verið að gera skemmtilegt. Svo nú er um að gera og koma einhverju smá niður "á blað" því helsta sem hefur á daga mína drifið.

...versló helgin kom og fór. Ég gerði nú ekkert sérstakt þá, finnst ekki mikið spennandi að vera kúldrast í tjaldi í riginingu og bleytu (nema kannski á þjóðhátíð). Kíkti bara í sveitina og í bíó með systkinunum. Er þá upptalið allt fjör þá helgina.

...eftir versló var brunað norður á Akureyri. Heiðdís skvís var að fara ganga að eiga hann Magga sinn svo það mátti nú ekki missa af því. Brunuðum við þrjár norður, ég, Hjördís & Hafdís. Sá Hjördís um akstur hluta norðurleiðarinnar á meðan við Hafdís smökkuðum á smá söngvatni. Brúðkaupið var auðvitað voða fallegt og brúðurin alveg stórglæsileg. Skemmtileg veisla og nóg af víni fyrir okkur Hafdísi til að sulla í (kvk.borðfélagar okkar voru nú ekki mikið í því svo við urðum að drekka fyrir þær líka ;) ) Undirrituð fékk svo þann heiður að "grípa" brúðarvöndinn.... svo nú er bara að bíða eftir að mr. Prince charming mæti :-)

...stuttu seinna fór ég svo aftur á Akureyris, en þó ein í það skiptið. Heldur fjörminni ferð heldur en sú fyrri. Ég tók þá ákvörðun í sumar að prófa að fara í fjarnám í viðskiptafræði við háskólann þar og er að taka grunnfög núna. Stefnan er svo sett á að taka master í buissness ef þetta verður skemmtilegt. Svo nú er bara að bíða og sjá hvernig þetta æxlast. Hvort þetta verður eitthvað nógu skemmtilegt fyrir óákveðnu JK. Þannig þessa dagana er verið að læra smæra.... jeij....

...Jónína ákvað svo að kíkja til Rotterdam og fara vinna þar. Það þurfti nú að taka eitt skemmtilegt íslenskt tjútt til að kveðja skvísuna :)

...svo kom haust með tilheyrandi kartöflustússi út í rokinu og riginingunni...

...beilaði svo á síðustu kartöfluupptektarhelginni og skrapp í skvísuferð til Hollands.... meir um það síðar :)

æ.... ætlaði að henda inn myndum með færslunni en bloggerinn var ekki að nenna því! Þær verða setta hingað inn við tækifæri - nú eða inn á fjésbúkk.

2008-09-26T16:37:00.001Z

Feeling hot hot hot...

2008-07-30T21:38:00.002Z

Brakandi blíða og hiti í dag. Spánarveður á Suðurlandinu og ég í Reykjavíkinni í vinnunni. Hefði nú aldeilis verið til í að vera í fríi í dag, en þessir fáu frídagar sem ég á verða nýttir síðar meir og þá kannski í eitthvað annað en sólböð og sundlaugarferðir (sem ég vildi nú gjarnan). Sá lúxus bíður bara þangað til klukkan er orðin c.a. fjögur á virkum dögum og um helgar. Ætlaði nú samt að vera voða góð við sjálfa mig og hætta snemma í vinnunni í dag og fara út og njóta veðursins. Eeeen viti menn, þegar ég er við það að ganga frá og ætla koma mér út fór allt í skrall #%$%/& og blíðan var sett á hold í smá tíma. En það varð nú enginn stór skaði af og náði ég einni prýðilegri sundpottaferð með Önnu þar sem við sleiktum síðdegis sólina, og mikið var það næs. Me like it! Pant fá aftur svona gott veður :)

Versló helgin með öllu óráðin. Held það stefni nú bara í rólegheita helgi og er ég bara þrælsátt við það. Samt aldrei að vita hvað maður lætur sér detta í hug og framkvæma. Þjóðhátíðarpúkinn sem lét svo ræklega á sér kræla í byrjun mánaðar hefur látið sig hverfa, (það þurfti svosem ekki mikið til - eitt hörkutjútt í downtown RVK og "dagurinn-eftir" sem því fylgir). Samt alveg ótrúlegt hvað hún togar alltaf í mann, þessi Þjóðhátíð í Eyjum og kitla öll þessi gömlu Þjóðhátíðarlög sem eru spiluð í útvarpinu sko aldeilis taugarnar, en ég ætla bara láta minningarnar duga þetta árið (þótt púkinn eigi eflaust eftir að banka uppá þegar nær dregur helgi) Good times - good times!

Mamma mia...

2008-07-10T15:34:00.003Z

... here I go again...

Fór að sjá hana í bíó um daginn. Æðisleg mynd og algjör skylda fyrir þá sem hafa gaman að ABBA að sjá hana. Þessi mynd fer sko í safnið enda 100% stelpumynd :) Skemmtileg saga, flottir leikarar og ekki skemmdu nú gordjöss grísku aukaleikararnir fyrir, grr... Langaði svo að fara eitthvað út að dansa eftir að hafa séð hana, en það var kannski ekki alveg í boði þar sem ég sá hana á þriðjudagskvöldi. Svo nú verður haft eitt ABBA-djamm, tjúnnað vel upp í græjunum og sungið með...

I've been cheated by you since I don't know when
So I made up my mind, it must come to an end
Look at me now, will I ever learn?
I don't know how but I suddenly lose control
There's a fire within my soul
Just one look and I can hear a bell ring
One more look and I forget everything, w-o-o-o-oh

Mamma mia, here I go again
My my, how can I resist you?
Mamma mia, does it show again?
My my, just how much I've missed you
Yes, I've been brokenhearted
Blue since the day we parted
Why, why did I ever let you go?
Mamma mia, now I really know,
My my, I could never let you go.

I've been angry and sad about things that you do
I can't count all the times that I've told you we're through
And when you go, when you slam the door
I think you know that you won't be away too long
You know that I'm not that strong.
Just one look and I can hear a bell ring
One more look and I forget everything, w-o-o-o-oh

Mamma mia, here I go again
My my, how can I resist you?
Mamma mia, does it show again?
My my, just how much I've missed you
Yes, I've been brokenhearted
Blue since the day we parted
Why, why did I ever let you go?
Mamma mia, even if I say
Bye bye, leave me now or never
mamma mia, it's a game we play
Bye bye doesn't mean forever

Mamma mia, here I go again
My my, how can I resist you?
Mamma mia, does it show again?
My my, just how much I've missed you
Yes, I've been brokenhearted
Blue since the day we parted
Why, why did I ever let you go
Mamma mia, now I really know
My my, I could never let you go

Hjóli spóli...

2008-07-08T17:23:00.002Z

Við Anna ákváðum að vera duglegar í gær og hjóla loksins í vinnuna. Uppsöfnunin í kaloríubankanum gengur heldur betur vel (þær geymast á svo góðum vöxtum :-) )svo það var löngu komin tími á einhverja úttekt. Það er búið að vera á dagskránni hjá okkur að hjóla í vinnuna frá því að Anna mætti á klakann í byrjun júní svo það var nú alveg kominn tími á að standa við stóru orðin og fara. Fram að þessu höfum við haft alls konar afsakanir fyrir því að hjóla ekki, eins og rok, fjallatrítl og vindlaus dekk, eitthvað sem flokkast víst undir almenna leti. Síðast hjólaði ég fyrir rúmum mánuði síðan eftir að ég hafði skráð mig í lið með vinnufélögunum í hjólað í vinnuna, og þá var nú betra að standa sig og lagði ég nokkra km að baki í þeirri lotu, að því loknu tók við góð pása.

En við tókum þetta með trukki í gær. Fórum í dýrindis veðri og þegar komið var í vinnu var búið að gleypa og fá í augun nokkrar flugur sem voru eitthvað að þvælast fyrir okkur, fara framhjá gæsum með heeelling af ungum, rúlla yfir fullt af skít, svitna helling og vonandi brenna nokkrum kaloríum. Mikið var þetta hressandi og ég skil ekkert í mér að vera búin að drolla með þetta að byrja aftur. Að vísu er þetta heldur löng leið, Grafarvogur - Hafnarfjörður er enginn skottúr, og var þreytan algjörlega við völdin þegar heim var komið. En þetta verður vel þess virði ef gallabuxurnar passa eitthvað betur í lok sumars. Svo nú er bara að koma sér í gírinn, spara smá krónur í bensín og komast í kjólinn fyrir jólin :)

Sumar

2008-06-29T22:20:00.002Z

Jæja... löngu komið sumar og ég komin með táslurnar upp úr heita pottinum :)
Er bara búin að vera njóta sumarsins, og hef meðal annars legið í sundi og náð mér smá lit á kroppinn, farið á tónleika, farið fullt að tjútta með stelpunum, farið í fjallatrítl, verið í mini-sumarfríi, legið í leti, borðað ótæpilegt magn af grillmat, slúðrað í saumó, farið í nokkur familí-afmæli og fleira og fleira skemmtilegt....

Skrifa vonandi eitthvað skemmtilegt bráðlega hingað inn. Á meðan fáið þið bara að skoða þessa mynd, engar tær í þetta skiptið :)

That's life

2008-04-29T20:02:00.004Z

Sumarbústaðarferð saumó var um helgina. Sérdeilis prýðileg ferð, að vísu fámenn en engu að síður góðmenn. Eins og við erum nú venjulega ekkert voðalega uppteknar ( og ekkert rosa margar) þá var þetta eina helgin sem kom til greina, og því miður komast ekki alltaf allir með. Að vísu er þetta svo öflugur saumaklúbbur að hann teygjir anga sína út fyrir landsteinana svo það var nú vel skiljanlegt að "útlandadeild" klúbbsins sá sér ekki fært að mæta, en það stendur nú allt til bóta bráðlega svo við verðum örugglega fleiri í næstu ferð, tja svo lengi sem það flýja ekki fleiri klakann.

Helgin einkenndist af áti og meira áti, pottaferðum, góðum drykkjum, 100% eðal stelpuspjalli (sem hefði fengið mestu hörkutól til að kafroðna), hlátri, svefni og leti, semsagt ljúfu lífi. Sólinni var pakkað með og var hún sko aldeilis ekki að svíkja okkur. Meina hvað er betra að liggja í pottinum í sólinni í góða veðrinu (með vörn á nebbanum auðvitað svo það fari nú ekki nein að brenna eins og árið áður) með sólgleraugun á nefinu og með ískalda blush sér við hlið, nú eða bjór fyrir þá sem það kjósa. Það er allavega ekki margt sem toppar það :)

Takk stelpur fyrir skemmtilega helgi!

- "Heyrðu það er einn gullfiskur með okkur hérna"
- "HAA....!!! eruð þið með gullfisk!?!?!" :)

Þetta er lífið :) Af tillitssemi ætla ég nú ekki að fara setja neinar sundbolamyndir af klúbbmeðlimum á veraldarvefinn, slíkt væri ekki fallega gert að þeim óspurðum. Aðrar myndir sem voru teknar eru ekki til opinberrar birtingar, svo þið verðið bara að láta þessar tær og vínglas duga, þær segja allt sem segja þarf.

2008-04-28T08:51:00.003Z

Það er komið sumar...

2008-04-24T11:58:00.003Z

...eða að minnsta kosti á dagatalinu. Ekkert voðalega vorlegt úti í dag, ský, rok og frekar kuldalegt að sjá. Samt læt ég nú veðrið ekkert á mig fá, ætla kíkja út í labbitúr og svo bíður Sumardagsins Fyrsta "heitu potta ferð". Í kvöld ætla ég svo að hitta Buddettes í mat og kjaftagang svo þetta ætlar bara að verða fínasti frídagur!

Gleðilegt sumar gott fólk og takk fyrir veturinn!

Vorið er komið...

2008-04-21T21:00:00.004Z

....og grundirnar gróa
gilin og lækirnir fossa af brún,
syngur í runni, og senn kemur lóa,
svanur á tjarnir og þröstur í tún.
Nú tekur hýrna um hólma og sker,
hreiðra sig blikinn og æðurin fer,
hæðirnar brosa og hlíðarnar dala,
hóar þar smali og rekur á ból,
lömbin sér una um blómgaða bala,
börnin sér leika að skeljum á hól.

- Alltaf dettur mér í hug Dalalíf þegar ég heyri þetta lag. Siggi Sigurjóns að girða túnin og moka skít.... "I love it"

Ég held, eða vona allavega, að vorið sé komið. Snjórinn eigi ekki eftir að láta sjá sig meir fyrr en í október og nú sé góða veðrið komið. Vorboðarnir eru allavega farnir að láta sjá sig. Hér í borginni eru það golfararnir sem sniglast um golfvellinna og mótorhjólafólkið sem komið á ról og nú eru hjól á hverju götuhorni. Í sveitinni eru vorboðarnir aðrir og af allt öðrum toga. Þar er það kvakið í álftunum og gæsunum sem vappa um í drullunni í kartöflugörðunum og svo auðvitað allir farfuglarnir. Annað sem þýðir að það er komið vor er þegar farið er að "setja í kassa" (svo le potatoes fari að spíra). Rúllaði einmitt í sveitina um helgina burt frá golfurunum og mótorhjólunum og þá var allt fullt af mórauðum álftum og familían út á plani að setja í kassa. Svo það hlýtur að vera komið vor :)

Svo er bara stutt vinnuvika framundan. Sumardagurinn fyrsti á fimmtudaginn (svona fyrir ykkur sem búa í útlöndum og voru kannski búin að gleyma því ;) ) og svo verður brunað í bústað strax eftir vinnu á föstudag. Pottur, góður matur, afslappelsi, góðir drykkir, stelpumyndir, spjall og fleira skemmtilegt! Ég hlakka sko til :)

Hér er einn af útsæðiskössunum sem við systur tókum að okkur að merkja fyrir c.a. tveim áratugum síðan. Vorum ekki alveg að átta okkur á því að merkingin yrði á hvolfi þegar kassinn færi í notkun, en hvað um það hann er allavega vel merktur.

...og lífið heldur áfram

2008-04-16T21:34:00.006Z

Eftir erfiða daga í síðustu viku finnur maður hversu mikilvægir vinirnir og fjölskyldan eru manni. Ég væri ekkert án þeirra. Að geta hringt eða hitt einhvern og sagt það sem manni liggur á hjarta eða hvernig manni líður er ómetanlegt. Að fá faðmlag, klapp á bakið eða kveðju gefur manni ótrúlega mikið og maður finnur hvað það er mikið af góðu fólki í kringum mann. Takk fyrir þið öll!

Síðasta helgi var mjög góð, akkúrat sem maður þurfti eftir erfiða viku. Eftir púl í ræktinni eftir vinnu á föstudag var glápt á þessa fínu stelpumynd (The Wedding date) með nokkrum stelpum, formúla sem klikkar ekki. Alveg fékk maður aulahroll yfir nokkrum atriðunum í myndinni... stelpur í alvöru, látum við alltaf eins og asnar þegar við erum að reyna fá athygli einhvers karlmanns? Ég vona ekki og ef ég hef einhvern tímann verið eins og gellan í myndinni þá held ég að ég ætti að fara hugsa min gang, ó mæ god!

Laugardagurinn fór svo í almenna leti, kíkti aðeins í heitupottana, eða kannski öllu heldur barnalaugina og flatmagaði í sólinni..... mmm... hvað það var notalegt. Er sko alveg farin að hlakka til sumarsins, grilla, liggja í sólinni, fara út í fjallatrítl, hjólatúra og fleira skemmtilegt. Eftir að hafa legið aðeins í bleyti var svo kíkt í keilu + út að borða + bjórkvöld með vinnunni. Ég lét meistarataktana alveg eiga sig í keilunni, vildi ekkert vera að gera lítið úr vinnufélögunum... öhömm... en var samt alveg asskoti dugleg við að hitta bara 9 keilur (þær eru sko 10 sem þarf að fella) það var alltaf þessi EINA sem varð eftir, en ég náði nú þó einni fellu svo ég var sátt. Kvöldið heppnaðist annars rosa vel. Mikið hlegið og mikið drukkið. (Mánudagurinn var nú líka soldið skemmtilegur þegar maður fékk að heyra af öllu slúðrinu, hehehehe....) Ég var nú samt í rólegri kantinum og var bara komin heim fyrir miðnætti, sátt við skemmtilegt kvöld!

Fyrst ég vaknaði svo eiturhress á sunnudag ákvað ég bara að drífa mig í smá bíltúr austur fyrir fjall í heimsókn til sys. Ætlaði nú ekki að láta smá snjóföl aftra ferðinni neitt og sleppti því bara að fara í minipilsinu og pinnahælunum, svona in case ef ég myndi festa mig.... Þegar austar dró varð snjórinn alltaf meiri og meiri.... og þegar ég var komin á áfangastað var ábyggilega 20-30 cm nýfallinn snjór! Halló.... það er apríl! Átti ég nú bara í fullu fangi við að festa ekki kaggann í heimreiðinni hjá sys. Eftir að hafa klofað snjóinn inn var svo farið að knúsa litla frænda, hann var líka svona glaður að sjá mig, brosti og hló þegar ég mætti. Krúttið. Síðan lágum við systurnar á beit allan daginn. Fengum okkur vöfflur með ís og kakó, af því það var orðið svo vetrarlegt úti, nammi og svo líka þessa gómsætu súpu sem yours truly framreiddi í kvöldmat. Fullkominn dagur alveg hreint, svona eiga sunnudagar að vera.

Ég verð svo að enda þetta á smá montmyndum af krúttinu mínu :)

Duglegur í göngugrindinni

mmm.... matur

†

2008-04-11T15:15:00.005Z

Lífið getur verið hverfult. Því fékk ég að kynnast fyrir nokkrum dögum síðan. Þriðjudagurinn 8. apríl ætlaði að verða góður dagur. Fór í vinnuna, kláraði hana og svo beið vinkonuhittingur í góða veðrinu og matur eftir það. Ég var ansi sátt við daginn þegar ég var á heimleið en það var fljótt að breytast. Heima biðu mín hræðilegar fréttir. Það hafði orðið slys, hræðilegt slys. Ungum strák í stórfjölskyldunni hafði verið kippt úr þessu lífi algjörlega fyrirvaralaust. Maður vill ekki trúa svona fréttum þegar maður heyrir þær og óskar þess að þegar maður vakni daginn eftir að þá sé þetta allt búið og hafi í raun aldrei gerst, en raunin er víst ekki sú, því miður. Afhverju á svona ungur strákur sem á allt lífið framundan að deyja svona snemma á lífsleiðinni? Maður verður svo vanmáttugur og tómur þegar svona gerist. Hugurinn reikar stefnulaust fullur af trega og söknuði og alls kyns spurningar vakna sem engin svör eru við. Lífið getur verið svo ósanngjarnt, erfitt og óskiljanlegt stundum.

Gleðilega páska

2008-03-24T19:30:00.003Z

Súkkulaðihátíðin við það að enda. Ég er sko aldeilis búin að standa mína plikt í þeim málum, ójá! Hef verið að úða í mig súkkulaði af ýmsu tagi frá því á föstudag, mmm.... Held nú samt að þetta sé barasta orðið gott í bili og ætla ég bara í smá súkkulaðifrí í smá tíma. Er búin að vera í gjörsamlegri leti alla páskana og hlakkar mig bara til að fara í ræktina á morgun og pústa og svitna duglega, verður hressandi. Finn bara hvernig óhollustan bíður þess að brjótast út í húðinni á mér... oh.... þetta verður ljótu vika... búhú....

Þessa vikuna...

2008-02-29T16:12:00.003Z

...var vinavika í vinnunni. Fann þetta þegar ég var að leita að einhverju sniðugu fyrir leynivininn minn og mátti til með að skella þessu inn.

Svo er árshátíðin á morgun. Morgundagurinn verður því undirlagður að gera sig sæta og hafa það skemmtilegt og gott. Sunnudagurinn algjörlega óplanaður, honum verður líklegast eytt í sófanum við imbann.

Hlakka til :)

2008-02-18T21:06:00.004Z

Mánudagur í dag. Dæmigerður mánudagur. Erfitt að vakna og koma sér af stað í vinnuna, þreytt, slæmur hárdagur og ljótan gerði vart við sig. Elska svona daga, hvernig er annað hægt ?

Held ég hafi líka verið með hálfgerða sykurþynnku eftir helgina. Lá í sætindum og öðru góðgæti. Borðaði djúpsteiktan mat, drakk fullt af gosi og hreyfði mig ekki neitt, heilsan greinilega ekki í fyrirrúmi. (Gæti kannski verið ástæðan fyrir ljótunni í dag). En stundum verður maður nú bara að gera sér dagamun, þó það geti nú alveg farið aðeins út í öfgar. Kíkti í heimsókn til sys. á lau. og þá var nátturulega alveg skylda að hafa eitthvað gott að maula á meðan við skiptumst á kjaftasögum. Þess á milli knúsaði ég uppáhaldsfrænda og reyndi að standa mig í frænkuhlutverkinu, bara skemmtilegt.

Önnur ástæða sykurþynnkunnar í dag var svo ein afmælisveisla. Ein daman hér á heimilinu var 10 ára í dag og þá var auðvitað haldið upp á það í faðmi stórfjölskyldunnar, ljómandi gott og gaman :)

Held ég sjái mig því tilneydda að vera dugleg að mæta í ræktina það sem eftir lifir vikunnar. Árshátíðin er á næsta leyti og því ekki seinna vænna en að taka almennilega á því á lokasprettinum fyrir hana svo ég geti nú verið smá pæja. Framundan er því púl púl púl!

Minn uppáhalds :)

Hr. Ameríka

2008-02-16T17:17:00.002Z

Síðustu föstudagskvöld hef ég horft (svona með öðru auganu) á ameríska piparsveininn reyna heilla n0kkrar dömur, eða öllu heldu nokkrar dömur reyna heilla hann. Að sjálfsögðu er piparsveinnin algjör fengur, a.m.k. svona á pappírunum og á mynd, læknir í hernum og með þetta fína boddý. Þessir þættir eru nú bara með þeim bestu gamanþáttum sem eru á skjánum þessa dagana. Að fylgjast með öllu þessu drama og handritstilfinningum stelpnanna er alveg óborganlegt. Allar eru þær búnar að finna hina sönnu ást með piparsveininum, finna fyrir sterkum tilfinningatenglsum og eru sko meira en lítið til í að giftast gaurnum, sama hvað gerist. Svo kemur samkeppnin nátturulega upp í stelpunum og þá keppast þær hvor við aðra að klaga í mannin, rífast um hver sé nógu þroskuð fyrir hann, hver sé of óþroskuð og hver sé of mikil drusla (en þessi druslugangur virðist felast í því að vera í of flegnum, stuttum kjól), svo skilur hann þær nátturúlega auðvitað mjög vel, eins og allir karlmenn myndu að sjálfsögðu gera ;) Þess á milli er hann svo með tunguna ofan í kokinu á einhverri og brosir svo blítt til þeirra með vel hvíttuðu tönnunum sínum, og ég hugsa nú að hann sé bara ágætisefni í búktalara því hann virðist sjaldnast hreyfa á sér munnin þegar hann talar. Það fer svo að líða að því brátt að hann velji sér eina "til að giftast", en fyrst þarf hann náttúrulega að sofa hjá þeim sem eftir eru, svo hann (nú eða þær) fari ekki að kaupa köttinn í sekknum.

Á meðan þett er allt að gerst sit ég og hlæ yfir þessu öllu saman, annað er bara ekki hægt. Aulahrollurinn kemur þó upp í manni af og til, en þetta er bara of mikið drama svo hægt sé að sleppa því að fylgjast með.

Er verkefnalaus...

2008-02-13T12:59:00.002Z

.... í vinnunni akkúrat núna. Fór því á smá net-surf og skoðaði mogga stjörnuspána fyrir daginn... Greinilegt að það er mikið að marka hana, ha ha ha ha...

"Það er langur listi verka sem þarf að sinna, og þú ert rétti maðurinn. Að lokum verður þú einn ábyrgur fyrir útkomunni, og líka sá sem hlýtur verðlaunin."

Ein og ég sagði, brjálað að gera alveg hreint!!! Eða þannig.

E-mail

2008-01-18T16:24:00.000Z

Fékk þetta sent frá einni vinkonu og mér fannst þetta svo sniðugt að ég bara varð að deila þessu með neitheimum.
kv.
Kerfisstjórinn

Kæru vinir!

Nú þegar árið 2007 hefur runnið sitt skeið, langar mig að nýta tækifærið og þakka fyrir alla tölvupóstsendingarnar sem ég hef fengið frá ykkur. Ég verð að segja að lífsgæði mín hafa aukist til muna við sendingarnar.

Takk til þess (hver sem það nú var) sem sendi mér upplýsingarnar upp að það hefði í mörgum tilfellum fundist rottuskítur í límröndinni á umslögum. Þær dýrmætu upplýsingar leiddu til þess að ég nota nú votan klút í hvert skipti sem ég þarf að loka umslagi. Af sömu ástæðu finn ég mig nú knúna til að þvo hverja dós sem ég þarf að opna.

Í dag á ég heldur ekkert sparifé, þar sem ég hef sent það allt til litlu veiku stúlkunnar (Penny Brown) sem er akkúrat núna í andaslitrunum á sjúkrahúsinu í 1.387.258 skiptið. Ég á í rauninni enga peninga lengur… en það mun náttúrulega breytast um leið og ég fæ 500.000 $ sem Microsoft ætlar að senda mér fyrir að hafa verið “exclusivur” þáttakandi í e-mail prógramminu þeirra. Ég á líka von á aur frá miðaldra getulausum bankastarfsmanni frá Nígeríu sem hefur lofað að deilda 7 milljónum $ með mér. Aur sem hann erfði eftir að gleymdur ættingi hans lést í skelfilegu umferðarslysi í höfuðborginni Abuja. Yndislegur maður hann Ade Oluwa… alveg sérstök sál.

Sem betur fer þarf ég ekki að óttast um sál mina, þar sem ég er blessuð með 363.214 englum sem passa mig og vakta sérhvert spor mitt og St. Helena hefur líka boðist til að uppfylla allar mínar óskir.

Mig langaði bara að segja ykkur frá því að ég nota ekki lengur krabbameinsvaldandi svitalyktaeyði, þrátt fyrir að ég lykti illa af svita á heitum sumardegi. Ég er alveg hætt því!

Takk fyrir að sýna mér og kenna að óskir mínar muni aldrei verða uppfylltar nema ég áframsendi tölvupóstana mina til amk 7 einstaklinga á innan við 5 mínútum. Ég vil einnig þakka ykkur fyrir að hjálpa mér með að hætta að drekka Coca Cola, og upplýsa mig um að það megi hreinlega fjarlægja kalkúrfellingar úr salernum með því.

Ég set aldrei lengur bensín á bílinn hjá Olís án þess að vera vakandi fyrir því að pólskur fjöldamorðingi sem komist hefur ólöglega inn í landið, gæti mögulega hafa laumað sér á í aftursætið meðan ég fylli tankinn.

Ég svara ekki lengur neinum sms-um, þar sem það kostar mig 25.000 kr. Að svara ákveðnum númerum. Fyrir tilstuðlan vingjarnlegar ráðlegginga, get ég nú ekki lengur leyft mér að beygja mig eftir krónu sem liggur á götunni, þar sem það liggur eflaust kolóður kynferðisglæpamaður undir bílnum og bíður þess að geta gripið í fæturna á mér og dregið mig til sín og nauðgað mér.

Ef þú sendir ekki þennan tölvupóst til amk 144.000 einstaklinga á næstu 70 mínútum, þá mun risavaxin dúfa með svæsin niðurgang lenda á höfðinu á þér kl 17 nú í dag og flær úr 12 mongólskum kamedýrum munu skríða inn í bakið á þér og orsaka að rassinn á þér verður allur kafloðinn.

Og svo langar mig bara líka að deila því með ykkur að Suðuramerískur vísindastúdent sem ég þekki hefur eftir langar og strangar rannsóknir uppgötvað að aðeins einstaklingar með lága greindarvísitölu, sem stunda lítið kynlíf eru manneskjurnar sem alltaf lesa alla tölvupósta með höndina á músinni.

Lifið heil!

Afsakið hlé!

2008-01-18T16:23:00.000Z

Vegna bilunar í bloggheilanum hefur lítið verið um skrif á þessari síðu. Orsök bilunarinnar eru ókunn en þetta virðist þó vera komið í lag, a.m.k. tímabundið. Líklegast þykir þó að eitthvað skammhlaup hafi orðið í bloggheilanum þegar eigandi hans náði þeim áfanga að verða árinu eldri. Á þeim tímamótum varð mjög mikið álag á kerfið þar sem bloggheilinn fór að velta fyrir sér því sem fylgir að vera orðin 25+ enn eina ferðina og er hann farinn að óttast mjög þegar kemur að því að verða 30+ en það styttist óðum í þau merku tímamót. Því hefur verið unnið að því að uppfæra öll kerfi bloggheilans í rétt ár svo hann virki sem best og vonandi á það eftir að duga.

Með vinsemd og virðingu
Kerfisstjórinn

Gleðilegt nýtt ár 2008

2008-01-01T16:05:00.000Z

... og takk fyrir árið 2007!

Nýjir tímar framundan sem verða vonandi fullir af ævintýrum og skemmtilegheitum. Árið 2007 var gott ár og urðu nokkrar stórar og minni breytingar á líf manns á árinu, eins og öðrum árum og hugsa ég bara frekar sátt til baka.

Það verður gaman að sjá hvað nýja árið ber í skauti sér og tek ég bara á móti því með góðu hugarfari og þá er ég viss um að það verður gott.

Áramótaheitið verður það sama og fyrri ár, ég ætla ekki að byrja að reykja á árinu. :) Mér hefur tekist að halda það heit í gegnum árin, ótrúlegt en satt, svo ég breyti ekkert út af vananum. Samt eru nokkur heit sem blunda í kollinum á manni, en þau eiga bara heima þar en ekki á http://www.com/.

Korter...

2007-12-28T15:46:00.000Z

... í áramótafríið!

Aldeilis löng og strembin vinnuvika að baki, alveg heilir tveir dagar. Veit ekki hvort ég meiki þá næstu sem er enn lengri, langir þrír dagar. Úff.... það sem er á mann lagt ;-)

Er að velta því fyrir mér hvort ég eigi að tjútta eitthvað á gamlárs eða ekki. Er farin að hallast mikið að því að taka því bara rólega á mesta partý-flopp kvöldi ársins og fara bara á djammið í kvöld í staðinn. Svo ég þjófstarta bara áramótunum og fæ mér bubblí og hvítt í kvöld. Verst bara hvað það er ógeðslega kalt úti, pils eða kjólar eru alveg out, nema ég verði náttúrulega bara í föðurlandinu innan undir, eðal pæja alveg. Það gæti nú verið flott.

Gleðileg jólin

2007-12-27T20:21:00.000Z

Jólin komin með tilheyrandi áti og letilífi og mikið er ég búin að hafa það gott. Alltaf gott að komast í smá frí frá vinnunni og hversdagslífinu. Fór nú í vinnuna í dag, þar sem var frekar fámennt en góðmennt. Ekkert okkar var reyndar í stuði til þess að vinna og voru hlutirnir voða mikið gerðir með hangandi hendi, hugurinn er greinilega ennþá heima upp í sófa að horfa á imbann. En það er bara vinna á morgun og svo aftur frí. Yndislegt! Kannski að súkkulaðifráhvöfin séu eitthvað að segja til sín. Ég held svei mér þá að ég sé komin með konfekteitrun og machintosh sýkingu.... það sem ég er búin að borða af þessu, iss... Er líka alveg orðin sjúk í kók og annað gos, svelgi þessu í mig í lítratali. Var nú komin í temmilega gosneyslu núna í vetur en desember rústaði henni alveg, ég féll algjörlega. En það eru nú einu sinni jólin svo ég tel mig hafa ágætis afsökun. Næsta mál verður svo bara að mæta í ræktina eftir hátíðirnar og koma sér á réttan kjöl.

Jólafrí :-)

2007-12-21T15:46:00.000Z

Jólafríið langþráða alveg að bresta á, dásamlegt alveg hreint.

Nú verður aðal takmarkið að hafa það sem allra best. Ætla fara í sveitina á morgun og eyða jólunum þar, eins og ég geri alltaf. Næsta mál á dagskrá er að raða í sig gotteríi, fara út í göngutúra í átpásunum, heimsækja vini og vandamenn og njóta þess að vera til.

Tvær jólamyndir eru svo pottþétt á dagskránni.

National Lampoons Christmas Vacation - algjör snilld þessi mynd.

Love Actually - er kannski ekki alveg á sömu nótunum og hin myndin en er algjört æði.

Bara 5 dagar...

2007-12-19T08:45:00.000Z

...og 9 tímar í jólin.
Oh.. hvað ég hlakka orðið til. Svefnpurkan ég hlakka þó mest til að fá að sofa út í fimm heila daga, zzzzz..... Það er svo gott að vera í fríi!

Er búin að pakka inn öllum jólagjöfunum, þ.e.a.s þeim sem búið er að kaupa en stefni á að ljúka jólasjopperíinu í dag. Svo nú er bara að fara að taka e-ð til í ruslinu hjá mér, taka eitt Laugarvegs rölt (ekki á Þorláksmessu samt) vonandi fer þetta veður að bjóða upp á einhverja útiveru, og svo er bara að bruna í sveitina, horfa á jólamyndirnar og hafa það gott.

Svo var litli frændi skírður í gær. Já já, barnið er loksins komið með nafn og var það Oddur Örn. Fallegt nafn á flottum strák. Nú þarf ég bara að venjast því að fara kalla hann nafninu sínu ekki "litli" eða "kútur" eða eitthvað í þá áttina :-) Veislan var voða fín, góð upphitun fyrir jólin og stóð systir mín sig alveg stórvel í bakstrinum og fór ég alveg belgsödd frá henni og klyfjuð tertum í nesti. Ég meina, ég gæti hafa orðið svöng á leiðinni í bæinn, hehe....

Jóla jóla jóla...

2007-12-17T22:08:00.000Z

Bara vika í jólin!!!

Á sama tíma eftir viku verð ég væntanlega afvelta upp í sófa eftir allt átið, hamborgarhrygginn, ísinn og raða í mig gotteríi (konfekti og macintosh-i). Jólagjafirnar hafa verið opnaðar og stofan er ekkert nema jólapappír og skraut. Næs.

Er búin að vera jólast alveg fullt núna í desember. Kringlan og Smáralindin hafa verið heimsóttar meira en góðu hófi gegnir í jólagjafaleiðöngrum, er sísödd því það er alls staðar eitthvað gott á boðstólum en samt er nú alltaf pláss fyrir meira.

Annað sem ég er búin að afreka er...

...að baka nokkrar smákökur, læt mér duga 2 teg. í bili samt aldrei að vita nema við mamma skellum í nokkrar Sörur í viðbót, þær eru bara svo góðar.

...að fara á jólahlaðborð. Fór með vinnunni minni í Gullhamra, borðaði þar góóóðan mat var nú samt ekki nógu sátt með eftirréttinn, kaldur grjónagrautur með sultu a.k.a. ris a la mande er ekki eftirréttur á mínum mælikvarða.

...að skrifa jólakortin. Á bara eftir að fara með nokkur í póst og þá er ég done, eða held það a.m.k. samt gleymast nú alltaf einhver/einhverjir svo ég biðst bara fyrirfram afsökunnar á því.

...versla fullt fullt af jólagjöfum. Á bara "þessa einu" eftir sem virðist alltaf ætla verða eitthvað erfið, en það stendur allt til bóta hugmyndin er komin en það á bara eftir að fjárfesta í hlutnum. Svo er bara eftir að pakka þessu inn og skreyta :-)

...halda litlu jólin í vinnunni, fá pakka og borða kalkún í hádegismatin -ekki slæmt það.

...að hafa það þræl fínt.

(Ég virðist nú bara skrifa um át í þetta sinn, en svona er nú desember maður er bara sínartandi)

Á morgun er svo enn ein veislan. Litli frændi fær loksins nafn og er ég nú orðin nokkuð spennt að vita hvað blessað barnið á að heita. En meir um það síðar.

Munið þið eftir þessum ?

2007-12-17T21:47:00.000Z

Alvin og íkornarnir (eins og ég man eftir þeim)

Þessir þættir voru sko einir af mínum uppáhalds þegar ég var yngri. Man nú samt ekkert mikið eftir þeim þannig séð, en mér fannst þættirnir skemmtilegir. Fór í dag með frænkur mínar í bíó á nýju myndina með þeim. Þeir hafa nú breyst töluvert frá því síðast, eru ekki lengur eins "teiknimyndalegir" og eru miklu meira "today" í útliti, en skemmtilegir engu að síður. Gat alveg hlegið að nokkrum atriðum í myndinni og svo eru þeir bara svo krúttlegir. Hver vill ekki hafa þrjá syngjandi íkorna heima hjá sér.

Nýja útlitið -örlítið breyttir

Það hlaut að vera....

2007-12-04T00:12:00.000Z

Þú fellur fyrir proskum (prins + froskur).

Sé karlkynið flokkað í prinsa, froska, proska og frinsa er ljóst að þú fellur fyrir proskum. Líklegt er þó að þú mótmælir þeirri niðurstöðu. "Nei, ég fell fyrir prinsum," kanntu að hugsa. Ástæðan er sú að þú ert í afneitun! Við fyrstu sýn virðist proskur nefnilega prins. Hann lokkar til sín dömurnar með breiðu, skjannahvítu brosi og gljáfægðri kórónu. Hann heldur dyrum opnum fyrir þér, færir þér blóm og leggur afmælisdaginn þinn á minnið. En þegar proskurinn hefur veitt þig í gildruna kemur hans innra eðli í ljós.

Einn daginn tekurðu eftir því að skítugir táfýlusokkar prosksins liggja á stofugólfinu. Þann næsta tekur hann yfir völdin yfir sjónvarpsfjarstýringunni og hækkar í iPodinum sínum og þykist ekki heyra í þér þegar þú biður hann um að fara út með ruslið. Það kemur þó fyrir að bóli á prinslegum eiginleikum í fari prosksins á borð við að elda rómantíska máltíð handa skvísunni sinni. Eftir máltíðina fleygir hann sér hins vegar upp í sófa, kveikir á sjónvarpinu og liggur á meltunni meðan þú neyðist til að ganga frá skítugum pottum, pönnum og leirtaui í eldhúsinu.

Fellur þú fyrir prinsum eða froskum?

Nýji megrunarkúrinn

2007-11-08T13:48:00.000Z

Ég er að prófa nýjan megrunarkúr. Kúr sem alveg þrælvirkar meir að segja. Frá því í gærmorgun eru tvö kíló fokin, tvö kíló á rúmum sólarhring. Pælið í því. Ég skil bara ekki hvað ég hef verið að hugsa hingað til, að puðast og svitna eitthvað í ræktinni dag eftir dag þegar þetta getur verið svona einfalt.

OK málið er bara svona. Ná sér í eina ágætis magapest, með lystarleysi, vanlíðan, svitaköstum, krömpum og öllu þessu helsta sem fylgir. Hafa ekki löngun í að borða neitt, fram að kvöldmat í gær hafði ég bara borðað eina ristaða brauðsneið og drukkið vatn, fékk mér smá kvöldmat -bara svona til að friða garnagaulið. Og ég er að segja ykkur árangurinn lætur ekki á sér standa, kílóin bara hrynja af. Að auki fær maður ristilhreinsun og svoleiðis í kaupbæti, meina halló.... til hvers að vera borga rándýrar ferðir til Póllands í DETOX þegar þetta er hægt heima, ókeypis! Ég sver það sko... afhverju datt mér þetta ekki fyrr í hug.

Sitt lítið af hverju

2007-11-05T20:29:00.000Z

Oh....

Hef frá alveg helling að segja, en veit bara ekki alveg hvar skal byrja.

Er búin að gera alveg fullt fullt.

Fara 2x í afmæli í vikunni, fara í saumó, fara gott út að borða, fara á ball, fara 2x á NýDönsk í vikunni (já tvisvar). Reyndar voru sumir af þessum atburðum á sama tíma, en hva það er bara gaman þegar maður hefur nóg að gera í social lífinu.

Afmæli/NýDönsk #1. Við Hafdís skelltum okkur í tvítugsafmæli á mánudagskvöldið. Ný Dösk var að fagna 20 ára spilerí afmæli sínu með tónleikum í Borgarleikhúsinu. "Grúppíurnar" við, komum okkur vel fyrir alveg upp við svið, annar bekkur fyrir miðju svo það lá við að manni fyndist maður vera á einkatónleikum. Voru þetta alveg stórskemmtilegir tónleikar og góðir að auki. Verð nú alveg að viðurkenna að ég hef ekki verið að hlusta neitt mikið á þá svona í gegnum tíðina (var meiri Sálar manneskja) en á einhvern hátt snerta sum lögin hjá þeim einhverja strengi, veit reyndar ekki alveg af hverju soldið skrítin tilfinning... eníhú...

Afmæli #2/saumó. Hjördís átti svo "tuttuguogeins" árs afmæli í vikunni (magnað hvað við eldumst ekki neitt vinkonuhópurinn). S ló hún því bara saman í eitt og var með afmælisveislu og saumó. Alltaf gott að eiga kvöldstund með stelpunum og spalla og slúðra og að ég tali nú ekki um að borða eitthvað gott :)

Glamúrdinner/ball/NýDönsk #2. Var boðin í glamúrdinner gleðikvenna á laugardaginn og fengum við gott að borða á Sjávarkjallaranum. Borðaði fullt af framandi mat (a.m.k. fyrir mig) sem ég hef aldrei smakkað áður og bragðaðist mjög vel. Tel ég það bara vera ágætis afrek fyrir gikkinn mig að prófa eitthvað svona nýtt. Þegar við vorum búinar að borða okkur saddar, hlæja og hafa það skemmtilegt trítluðum við yfir á dansiball á Nasa. Þar var NýDönsk að spila -en ekki hvað, það mætti halda að ég væri orðin e-r súper aðdáandi. En ég var þó voða stillt og prúð á dansiballinu. Strákarnir sem voru á ballinu sáu um alla grúppíustæla þar sem þeir tróðust fremst við sviðið, eitthvað sem maður sér nú ekki á hverjum degi. Reyndar var bara fullt af karlmönnum þarna á ballinu, sem var svosem ekkert leiðinlegt í sjálfu sér, en samt það margir að maður tók vel eftir því. Síðan voru líka nokkrir íslenskir "celebs" að djamma þarna líka. Nasa var greinilega the place to be á laugardaginn.

Þessi vika virðist svo ætla verða eitthvað rólegri en sú síðasta. Engin masterplön á dagskrá, sem er kannski ágætt. Var svo skemmtilega heppin að fá frk. hálsbólgu í heimsókn fyrir helgi þannig að röddin tók sér gott frí yfir helgina, eða eiginlega bara langa helgi því hún er ekki orðin neitt góð ennþá. Var því alveg rammfölsk alla helgina eins og unglinsstrákur í mútum, gaman að þvi! Fnuss....

Ætla svo að skella einni af desertnum sem við fengum á sjávarkjallaranum, ekkert smá flott og ógó gott :þ

Afmælisbarn dagsins

2007-10-29T15:42:00.000Z

Hann á afmæl’ í dag
Hann á afmæl’ í dag
Hann á afmæliiii hann litli bróóóó
Hann á afmæl’ í dag

Til hamingju með daginn :-)

Vetur í sveitinni

2007-10-28T20:20:00.000Z

Rúllaði á kaggnum í sveitina í gær. Ekkert djamm eða annað þess háttar á dagskrá þessa helgina, svo það var bara home sweet home.
Litli bró verður sweet sixteen á morgun svo mútta skellti upp smá afmæliskaffi í dag. Það er reyndar aldrei neitt "smá" þegar hún mamma tekur sig til í bakstrinum, nóg var af kökunum og öðru góðgæti, namm namm og er maginn alveg vel pakkaður af súkkulaði rjóma og sykri :)
Þegar ég vaknaði svo í morgun var veturinn bara mættur á svæðið. Allt hvítt! Fannst mér því alveg tilvalið að kíkja í smá göngutúr (brenna nokkrum kal. fyrir veisluna sem var framundan) og kippti myndavélinni með.

Brrr....

2007-10-17T08:58:00.000Z

Nú held ég barasta að veturinn sé að bresta á. Mikið var kalt að fara í bílinn í morgun og mér er bara ennþá kalt (það er reyndar líka kalt hérna í vinnunni), brrr.... Tími trefla og vettlinga er runnin upp, það er alveg öruggt mál.

Svo held ég að ég ætti bara að fara versla mér vetrardekk, þau eru alveg málið þegar það er komin hálka á fjallvegina. Lærði það sko í fyrradag þegar ég var á leiðinni í bæinn eftir sukkhelgina hjá sys og bílarnir sem voru rétt fyrir framan mig ultu og klesstu hver á annan!

Note to self! Muna kaupa rúðusköfu. Ekki alveg það besta í heimi að eiga ekki svoleiðis þegar bílrúðurnar eru ekkert nema hrím.

Mánudagsþreyta

2007-10-15T12:53:00.000Z

Langar ykkur ekkert stundum að fá ykkur góðan blund í hádeginu? Sit hérna við skrifborðið og er að berjast við að halda augunum opnum eftir hádegismatin. Úff.... hvað mig syfjar, sé rúmið alveg í hyllingum. Væri sko meira en lítið til í eina kríu núna.
zzz....

Rólegheit

2007-10-13T17:49:00.000Z

Er ekki í alveg sama partýgírnum og um síðustu helgi. Enda er löppinn ekki alveg 100% í lagi ennþá, svo ég bíð með öll partý þar til þessi "íþróttameiðsl" lagast.

Skrapp því bara til litlu sys eftir vinnu í gær. Kallinn hennar er víst að leika sér eitthvað í útlöndum svo ég ákvað að ég skyldi sinna systur/móðursystur hlutverkinu á meðan og halda henni og syninum félagsskap. Svo er líka allt of langt síðan ég sá litla krúttið, hann hefur bara breyst heilan helling síðan ég sá hann síðast. Á milli þess sem ég kjassast í litla kút hef ég gætt mér á ýmsu góðgæti. Erum búnar að skrepppa í pullaran (of course) þar sem ég fékk örugglega sveittasta borgara sem ég hef fengið, fitan gjörsamlega lak úr honum og sji.... það lá við að ég fyndi hana setjast utan á lærin á mér, en góður hann var og það er það sem máli skiptir :) Framundan er svo meira sukk, nammi og djúpsteiktur matur á dagskrá í kvöld. Yum yum yum...

Ætli átakið "belgurinn burt" hefjist svo ekki eftir laaanga pásu aftur eftir helgina. Ætli ég verði ekki bara að byrja á því að leggja áherslu á magaæfingarnar svona til að byrja með enda af nógu af að taka, get allavega ekki farið að hlaupa eins og monkey á hlaupabrettinu það myndi bara enda í vitleysu. Anna! við verðum bara á fjarsambandi og peppum hvor aðra upp ;)

Akureyri...

2007-10-08T20:19:00.000Z

...var alveg þrælskemmtileg. Það er bara alltaf gott og gaman að koma þangað, klikkar ekki og þá sér í lagi þegar maður fer í svona góðum félagsskap.

Þetta var sko algjör stelpuferð fram í fingurgóma. Spiluðum algjöra stelpumúsík í bílferðunum, sungum með ABBA, Dirty Dancing, Grease, 80's tónlist og fleiri góðum og við sem vorum ekki í því að keyra, þeas ég og Dóra drukkum smá söngvatn með svo það myndu nú ekki heyrast neinir falskir tónar :-) Lentum á Akureyri í þessu líka blíðskaparveðri, roki og rigningu eftir háskaför á Öxnadalsheiðinni. Það er nefnilega víst ekkert gaman að keyra bíl í þoku og rigningu á óstikuðum og ómerktum vegi þegar snarbratt gil er fyrir neðan (sem við reyndar sáum ekki í myrkrinu, eiginlega sem betur fer því þá hefðum við snúið við á punktinum) og höfðum á tímapunkti ekki hugmynd um hvar á landinu við gætum eiginlega verið. Þegar í íbúðina var komið var bara tekið handa við að fylla ísskápinn, sem tókst svona glimrandi vel. Við tók svo slúður og prufur á drykkjunum okkar.

Laugardeginum eyddum við svo í almenna leti. Alltaf gott að sofa út. Svo tóku við fastir liðir eins og venjulega, Bakaríið á Brúnni (sem allir Akureyringar virtust vera komnir í), tilraunir til að sjoppa eitthvað sem tókust því miður ekki, (veit bara ekki hvar þetta fólk fyrir norðan fær fötin sín, því ekki voru þau í búðunum) sjónvarpsgláp og svo meiri leti. Hættum þó að vera latar þegar líða tók á kvöldið. Þá var algjörlega skipt yfir í pæjugírinn. Skvísuðum okkur upp, skelltum drykki í glös og við tók djammið. Dóra Egg er með svo góð sambönd að hún reddaði okkur fríkeypis í sjallan, svo að við áttum bara meiri aura til að eyða í kokteila á barnum. Menn í svörtu spiluðu svo fyrir okkur og þeir voru ekkert að klikka. Kvöldið var alveg stórskemmtilegt, fyrir utan smá feilspor í orðsins fyllstu, smá rugl og vitleysa og þess háttar -allt það sem þarf til að gera þetta eftirminnilegt og skemmtilegt.

Sunnudagurinn var frekar þreyttur. Höfðum við þó allar heilsu í að heimsækja Hlölla (ekki í fyrsta skiptið) og djúsa okkur upp í þrif og skemmtilegheit. Brunuðum við svo sáttar heim á leið en fengum alveg sjokk þegar við sáum hvaða manndrápsveg við höfðum verið að keyra á föstudeginum.

Ég er bara strax farin að hlakka til næstu ferðar. Og stelpur þakka risalega vel fyrir :)
- "áttu skinkubát?"
- "já"
- "já, ég ætla að fá einn pepperoníbát" ;)

*** What happens in Akureyri, stays in Akureyri ***

JK
skakkalöpp.

Ísskápurinn góði, fullur af góðgæti :)

Sætar skvísur...

...og ein svona up close

Farin...

2007-10-05T15:16:00.000Z

til AkureyriS ;)

Pakka - tjékk
Vínbúðin - tjékk
Góða skapið - tjékk
Hlakka til helgarinnar - tjékk
Að æfa sig í Akureyrskunni - tjékk

Bið að heilsa ykkur þangar til á sunnudag.

Eigið góða helgi, ég ætla að eiga hana góða :)

Á morgun!

2007-10-04T22:15:00.000Z

Styttist í Akureyrarferð the Buddettes.
Um þetta leyti á morgun verðum við væntanlega búnar að koma okkur vel fyrir í íbúðinni sem við höfum og búnar að opna bjór/blush/hvítvín/whatever. Tappinn verður ekki settur í flöskurnar fyrr en löngu síðar, rétt fyrir brottför í bæinn, eða OK kannski eitthvað aðeins fyrr -þurfum víst að keyra heim líka,nema við náttúrulega náum bara í einn myndarlegan bílstjóra sem er viljugur að fara í smá sunnudagsbíltúr í RVK.

Menn í svörtu fréttu svo af plönum okkar að heimsækja AK, svo þeir ákváðu bara að slást í hópinn og ætla trylla lýðinn á laugardaginn. Kannski að við hittum þá bara í Sjallanum, aldrei að vita.

Ætla samt að fara koma mér í það að henda einhverjum pæjufötum og meiköppi ofan í tösku, strauja nokkra larfa og hendast í sturtu. Semsagt nokkur smávægileg atriðið sem þarf að klára fyrir háttinn, því strax eftir vinnu á morgun er það bara Akureyri express.

Allt bleikt

2007-10-03T17:22:00.000Z

Ætla að hafa bleikt þema á blogginu mínu þennan mánuðinn, svona til að minna ykkur á að styrkja rannsóknir gegn brjóstakrabbameini, ég hvet ykkur líka til að kaupa einn svona bleikann borða í næstu búð eða apróteki. Á reyndar eftir að gera það sjálf (gleymdi því áðan þegar ég var út í búð) en kippi einum með í næstu búðarferð.

Nýja vinnan gengur bara vel. Er reyndar voða lítið búin að gera, hef ekkert verið inni á labbanum ennþá. Er bara búin að vera lesa mér til svo síðustu dagar hafa verið rólegir. Það er alveg ótalmargt sem ég á eftir að læra og nóg af nýjum hlutum framundan sem ég þarf að tileinka mér.

Mér líst voða vel á staðinn. Allt svo nýtt og flott og fínar græjur, eða allavega ef maður miðar við fyrri vinnustaðinn. Ég er meir að segja komin með mitt eigið skrifborð og tölvu, var sko ekki með neitt svoleiðis á hinum staðnum svo þetta er alveg stórt skref upp á við. Me like it ;)

Framundan er svo orlofsferð einhleypra húsmæðra norður yfir heiðar og er ég sko sérdeilis spennt fyrir þeirri ferð.

Ánægð með lífið og tilveruna þessa dagana. Gott mál.

Bréfið

2007-09-30T17:49:00.000Z

Fyrir nokkrum mánuðum síðan skrifaði ég bréf. Bréf sem myndi breyta daglega lífi mínu (og jafnvel framtíð minni) þónokkuð. Þegar ég skrifaði bréfið flugu alls kyns hugsanir um kollinn, væri ég að gera rétt, ættu þetta eftir að vera algjör mistök, ætti ég að bíða og sjá til, gefa hlutunum smá séns. Ég fylgi samt eigin sannfæringu og skrifaði bréfið. Skilaði því til viðtakanda og fann fyrir ákveðnum létti en smá óöryggi engu að síður. Ég sagði upp vinnunni minni. Hvað ætti eiginlega eftir að gerast næst? Óöryggið var fljótt að fara því stuttu seinna var ég komin með nýja vinnu.

Á föstudaginn var síðasti vinnudagurinn minn á veirunni. Skrítin tilfinning að vera segja bless við vinnufélagana, fólk sem ég hef eytt undanförnum tveim árum með og fólk sem hefur reynst mér vel, gott fólk. Að segja bless var bæði leiðinlegt en um leið fylgdi því svolítil spenna fyrir því sem tekur við.

Á morgun verður fyrsti dagurinn í nýju vinnunni. Það er frekar óþægilegt að vera fara á nýjan stað og kunna ekki neitt, þekkja ekki neinn og enginn veit hver ég er. Óöryggið hefur látið á sér kræla á ný. En ég ætla bara að hugsa jákvætt. Vonandi taka bara skemmtilegir tímar með skemmtilegu fólki við.
Nýjar áskoranir og tækifæri.

The last one!

2007-09-28T09:27:00.000Z

Þetta á eftir að verða frekar skrítinn dagur.

Nýjir og breyttir tímar framundan.

Spennandi.

Aftur á mölina

2007-09-21T11:26:00.000Z

Mætt aftur í borgina, reyndar fyrir nokkrum dögum síðan. Rúllaði hingað á mánudagsmorguninn strax við sólarupprás og mætti eldspræk í vinnuna aftur eftir púlið í sveitinni. Var bara hálfpartinn eftir mig eftir allt puðið, með harðsperrur í höndunum eftir kartöfluþeytingar upp á vél og já.. segja má að ég hafi fundið fyrir allnokkrum "nýjum" vöðvum á meðan þessu stóð. Lappirnar mínar fengu líka sinn skammt af marblettum, en ekki hvað, og voru alveg hreint bjútífúl á tímabili, var sko aldeilis ekki mikið pilsahæf, eða a.m.k. ekki í gegnsæjum sokkabuxum.

Dagskrá helgarinnar verður sú sama og þá síðustu. Já, ég fer bara aftur í moldina og marblettasöfnun. Stanslaust stuð í sveitinni :-)

Sumarfrí - Hluti 3 -

2007-09-12T21:00:00.000Z

Jamms... Er í sumarfríi þessa vikuna.
Get nú kannsi ekki sagt að ég sé í voða miklu fríi þessa dagana, þó ég sé ekki í vinnunni.
Er nefnilega í sveitinni í "kartöflufríi". Hef eytt dögunum út í kartöflugarði með foreldrunum og bræðrum og unnið að því hörðum höndum að koma uppskerunni í hús. Það hefur gengið alveg ágætlega, nema þegar rignir, þá stendur bara allt pikkfast í moldinni og allt fer í skrall.

Brjálæðis rigning í allan dag. Sji.... hvað það getur komið mikuð vatn úr þessum skýjum. Hef því ekkert verið út í garði. Reyndar smá kærkomin hvíld, maður verður soldið lúinn að vera út í garði allann daginn, koma inn í kvöldmat um hálf níu/níu. Þá er smá sjónvarps-time og svo bara beint í bælið og safna orku fyrir næsta dag. En ég vona nú að veðrið fari að verða skaplegt svo þetta klárist einhvern tímann.

En.... smá TV-time fyrir svefninn
Bæjó

Góði "vinurinn"

2007-09-06T12:59:00.000Z

Góður vinur minn er væntanlegur í heimsókn í kvöld.
Ég er búin að sakna hans soldið síðan við skildum síðast við, en það eru orðnir nokkrir mánuðir síðan og er ég orðin spennt að hitta hann aftur. Ætla ég að vera búin að koma mér í réttu stellingarnar þegar hann kemur, kúra undir teppi upp í sófa og hafa það notalegt.

Já, hann Dr. House er væntanlegur á Skjáinn í kvöld og verður kvöldið því frátekið fyrir hann. Líffræði nörranum mér finnst soldið gaman að horfa á svona læknadrama með rannsóknaívafi, eða þætti eins og CSI, (sem eru líka komnir aftur á skjáinn eftir sumarið) og fylgjast með hvernig þeir leysa öll þessi vandamál sem koma upp á. Loksins eitthvað skemmtilegt í sjónvarpinu.

Rakst svo á þessa skemmtilegu síðu á netinu um daginn þegar ég var að leita að einhverju sem tengdist vinnunni. Þarna er hægt að lesa um alla þessa sjúkdóma og kvilla sem eru umfjöllunarefni House þáttana, meir að segja hægt að skoða alla þá seríu sem er að byrja hjá okkur og þá nýjustu sem er í gangi í US and A. Nördinu mér finnst voða gaman að skoða þetta ;) Spurning hvort ykkur hinum finnist þetta jafn áhugavert og mér.

Allir í röð

2007-09-05T12:48:00.000Z

Það hefur reynt nokkuð á þolinmæðina á leiðinni í vinnuna nú síðustu daga.

Eins og þið hafið mörg tekið eftir hefur umferðin vægast sagt verið mikil og liggur barasta við röðin hefjist við dyrnar hjá manni, tja... kannski ekki alveg en það má ekki miklu muna.

Ég skil bara ekki afhverju það springur allt á haustin þegar skólarnir byrja aftur. Ég meina, þetta skólafólk hlýtur nú að hafa verið einhvers staðar í vinnu í sumar og hafa komið sér einhvern veginn í hana, svo það mér alveg lífsins ómögulegt að skilja afhverju allar götur fyllist bara hviss bang þegar skólabjöllurnar fara að hringja aftur!

Ég sé alveg í hyllingum dagana í júlí þegar sem flestir voru í fríi og leiðin greið í vinnuna. Varla bíl að sjá og ég átti alveg veginn, eða svona næstum því. Vona bara að þetta fari að lagast, annars enda ég á því að vera farin að naga stýrið og hamast á flautunni af stressi og óþolinmæði. Reyni bara að halda aftur af mér svo það komi nú ekki til þess.

Spurning um að taka bara upp á því að hjóla í vinnuna, væri allavega ekki mikið lengur á leiðinni, nú eða fara kannski bara aðeins fyrr á fætur -ekki svo galið.

Síðasti dagurinn

2007-08-31T15:55:00.000Z

Í dag er síðasti dagurinn sem ég mun starfa fyrir Landspítala Háskólasjúkrahús. Ég vissi reyndar ekkert af því fyrr en í dag, eins og flestir sem vinna með mér. Las þetta bara á mogganum. Frekar skrítið að lesa eitthvað sem viðkemur vinnunni á netinu, en ekki fá það svona "beint í æð" á vinnustaðnum sjálfum.

Frá og með morgundeginum mun ég nefnilega vinna fyrir Landspítalann.

2007-08-29T19:13:00.001Z

Hef það ansi ljúft í vinnunni þessa stundina. Er á vaktinni. Sit við tölvuna með pepsi max og súkkulaði við höndina og er spila Bubbles. Nice... en það væri nú reyndar meira nice að vera bara heima.

En svo þið farið ekki að halda að ég geri ekki neitt í vinnunni, þá er ég bara búin að vera svo dugleg. Er búin að öllu því sem þarf að gera, eða það vona ég allavega, og bíð bara eftir því að geta farið heim. Svo um að gera að nota tímann þangað til í eitthvað skemmtilegt ;)

:)

2007-08-28T17:39:00.000Z

Fjölskyldan stækkaði í gær.
Litla sys (sem er nú svosem ekkert voða lítil lengur) varð mamma í gær. Lítill strákur kom í heiminn í gærnótt, nokkrum dögum á undan áætlun. Lítur hann alveg ljómandi vel út, tíu tær og tíu fingur og algjört krútt. Þetta þýðir að ég er nú orðin móðursystir, í fyrsta sinn! Mér finnst ég bara fullorðnast alveg heilan helling við þetta og hálf skrítið að hugsa til þess að systir mín eigi orðið barn. En þetta er allt saman rosa skemmtilegt og hlakka ég mikið til að fá að knúsast og dekra við hann í framtíðinni :)

Til hamingju María og Ægir :o)

Aunt
JK

Monkey man!

2007-08-24T19:08:00.000Z

Ert þú hrifin af öpum ?

Heilagan sannleikan er að finna á mogganum en ekki hvar.

"Rannsóknir á höfuðkúpum manna í gegn um árþúsundin leiðir í ljós að konur hafa í gegn um tíðina hrifist af körlum sem hafa stutt bil á milli augnabrúna og efri varar en það er það andlitsfall karla sem líkist mest andlitsfalli simpansa."

Já stelpur þar hafið þið það. Simpansa andlitsfall er það sem við viljum. Það eru nú ekki verri menn en Brad Pitt, JT og Johnny Depp sem falla undir þennan flokk. Því "frumstæðari", því betri.

Aukakílóin, aukakílóin, út um allt á mér.....

2007-08-24T17:44:00.000Z

Baráttan endalausa við fitupúkann er hafin, enn einu sinni.

Tók mér tak og mætti í ræktina í gær. Ákvað að það væri nóg komið að vera bara styktaraðili Hreyfingar og það væri vænni kostur að mæta þangað og fá þá vonandi eitthvað fyrir peninginn sem ég er búin að borga í allt sumar. Held að tíminn í gær hafi kostað eitthvað um 9000 krónur. Verð bara að vera dugleg og mæta fljótt aftur og þá verð ég komin niður í c.a. 45oo krónur tíminn. Ódýr ha.... (alltaf að spara sko!).

Tók ég nú ekkert brjálæðislega mikið á því en dreif mig þó samt í tíma, í stað þess að lufsast eitthvað í leiðindum á hlaupabretti. Ákvað fljótt að taka þetta á skynseminni og hafa öll lóð í léttari kantinum því vöðvarnir voru nú orðnir heldur rýrir eftir sumarið, -nema lærin, fjallatrítlið hefur bjargað því. Var ég mjög fegin þegar ég vaknaði í morgun að hafa bara tekið þetta á skynseminni og haft lóðin létt, því kroppurinn var frekar lemstaður eitthvað og stífur. Greinilegt að maður er sko algjörlega dottin úr öllu formi, eins og það var nú fínt áður *öhömmm... hóst hóst*. Veit ekki hvernig ég væri ef ég hefði ætlað að taka þetta á einhverjum hetjustælum, sæti ábyggilega æææ-andi og óóóó-andi og gæti ekki hreyft á mér rassgatið af kvölum.

Svo er bara spurning hvenær ég læt af því að mæta í næsta tíma, maður má náttúrulega ekki fara of geyst af stað, heldur taka þetta hægt 0g örugglega. Er það ekki? ;)

Í sumarfríi

2007-08-14T21:37:00.001Z

Er í hluta tvö af sumarfríinu mínu. Bara vika í þetta sinn en mikið er það nú ljúft að hafa ekkert hangandi yfir sér og bara geta gert það sem mig lystir, sérdeilis prýðilegt alveg hreint. Er nú samt búin að hafa nóg fyrir stafni þessa daga, barnapössun á Stokkseyri, sund, búðarráp, sitið í sólinni á Austurvelli, grillað og borðað góðan mat og verið í góðra vina félagsskap. Alveg æði :)

Ég og Ninnz brugðum svo undir okkur betri fætinum og fórum í smá túristaleik í dag. Brunuðum á Þingvöll og örkuðum niður Almannagjá með öllum túristunum. Gerðum okkar allra besta til að falla ekki alveg inn í þann hóp og held að okkur hafi tekist nokkuð vel til með það. Á meðan túristarnir voru klæddir í úlpu, húfu, vettlinga og jafnvel snjóbuxur í norðanáttinni, þá þrömmuðum við bara í "gollunum" og með sólgleraugun á trýninu. Algjörar pæjur. Verð nú alveg að viðurkenna að það var smá kalt, en hvað gerir maður ekki fyrir coolið ;) he he he... Næst lá leið okkar á Laugavatn þar sem við ókum eftir rallý braut. Eitt augnablik héldum við að við værum í raun og veru að aka inn í miðja rallýkeppni því við vegin stóð "Vegur lokaður vegna keppni í rallý" og svo með smáu letri 17. ágúst, (#$&$%% smáaletrið)!!! *Hjúkk* Held það hefði ekki farið neitt voða vel ef við hefðum brunað beint á móti keppendunum, en sem betur fer var það nú ekki. En... eftir stutt stopp á Laugavatni og í Kerinu var svo bara brunað í bústað í nágrenninu þar sem táslurnar voru aðeins skolaðar pottinum, kverkarnar vættar og hungrið seðjað. Ljúft líf þessa dagana.

Svo er bara að finna sér eitthvað skemmtilegt að gera næstu daga í fríinu. Efast ekki um að ég finni mér eitthvað að gera.

Menningarnótt er næsta "stóra" mál á dagskrá, og reyndar Töðugjöldin heima í sveitinni líka. Hugsa að ég láti allt tjútt eiga sig þá, þessa stundina er ég bara aldeilis ekki að nenna standa í einhverjum leigubílaslag þegar líður á nóttina. Svo að vænsti kosturinn þessa stundina er bara að vera bílandi og komast heim fyrir mánudag. Samt er aldrei að vita nema djammpúkinn láti á sér kræla og að öll skynsemi fjúki út í veður og vind. Við sjáum til.

6:30

2007-08-11T14:51:00.000Z

Vaknaði (eldspræk) klukkan hálf sjö í morgun. Já, hálf sjö. Að vakna svona snemma á laugardagsmorgni finnst mér jaðra við lögbrot, að öllu jöfnu sef ég framundir hádegi á laugardögum og finnst fátt betra en að kúra undir hlýrri sæng, en ekki í dag. Átti að vera mætt í vinnuna klukkan átta. Eftir nokkur "snús" tókst mér þó að fara á fætur og meeen hvað mig langaði að fara sofa aftur. Á meðan fullt af fólki var að staulast heim eftir tjúttið í bænum þá var ég að nudda stýrurnar úr augunum og reyndi að greiða hárflókann og koma mér í spjarirnar. Var svo komin úr húsi rétt rúmlega sjö. Ég fer nú venjulega ekki svona snemma á fætur til að fara í vinnuna, reglan er eiginlega sú að tuttugu mín. í vinnu og rokið á lappir og brunað af stað. En í dag tók ég strætó í vinnuna, nokkuð sem ég hef barasta aldrei gert, svo ég vildi nú vera tímanlega í stað þess að missa af the bus og vera allt of sein. Er nefnilega að fara í grillveislu í sveitina eftir vinnu með vinnufélögunum og ætla fá mér smá bjór og smá hvítvín og ekki fer ég að bruna á kagganum mínum heim eftir það, gæti endað illa. Svo nú er bara að bíða eftir að vinnudeginum ljúki svo að fyrsti bjórinn verði opnaður.
Þetta er orðið meiri drykkjan á manni... Bara djamm og bús um hverja helgi. En hva... það er sumar, þá má drekka, "e' þa' ikki ?"

2007-08-03T15:03:00.001Z

...

Versló...

2007-08-03T12:43:00.000Z

... once again.
Er ekki alveg í sma gírnum og ég var fyrir 10 árum síðan. Þá skelltum við Hrönn og Kata okkur saman á okkar fyrstu Þjóðhátíð og vá hvað það var gaman hjá okkur. Að upplifa alla þessa stemmingu og skemmtilegheit í fyrsta sinn er eitthvað sem aldrei gleymist.

Það kemur mér samt á óvart að þjóðhátíðarbakterían hefur ekkert látið á sér kræla þetta árið. Alltaf hefur manni langað eitthvað smá að fara síðan ég fór síðast (2003) en núna er mér alveg sama. Afhverju ? Það veit ég ekki. Kannski er þetta eitthvað þroskamerki, að ég sé að verða of gömul fyrir 'etta. Nei..., held ekki, það er enginn of gamall til að kíkja á Þjóðhátíð í Eyjum. Ég væri eflaust alveg sjúk í að fara ef fólkið í kringum mig væri á leiðinni þangað, en svo er víst ekki svo ég verð ekkert veik að fara.

Innipúkinn verður væntanlega það sem ég vel í ár. Samt virðist sem að kvefpúkinn sé eitthvað að láta á sér kræla, en hann er ekki velkominn þessa helgi, eða aðra daga. Og vona ég bara að hann láti sig hverfa sem allra fyrst. Hugsa að ég taki fyrri hluta helgarinnar bara rólega. Kíki jafnvel í sveitina þegar mesta traffíkin úr bænum verður búin, svo ég geti krúsað um þjóðvegina alein, eins og ég eigi þá. Svo er partý í Dóra-town á dagskránni, ætla nú ekki að missa af því. Vonandi verður bara eins gaman hjá okkur og um síðustu helgi. Ég skemmti mér alveg stórkostlega, svo ekki sé meira sagt. Alveg möst að endurtaka kvöld eins og það aftur. Ekki spurning.

Sjáumst kannski á tjúttinu!
Be there or be square
*SKÁL*

Ég get ekki beðið....

2007-08-01T15:08:00.000Z

....eftir að klukkan slái "svonaréttrúmlegafjögur" og ég geti farið heim.

Dagurinn í dag kemst sko alveg í topp 10 yfir leiðinlegustu dagana í vinnunni. Það hefur nefnilega ekkert verið að gera hjá mér í dag. Öll verkefni dagsins voru bara búin alveg*hviss-bang-búmm* og ég er sv0 steingeld eitthvað í hausnum í dag, að mér hefur ekki dottið neitt sniðugt í hug að gera í staðinn. Er búin að tékka á póstinum mínum svona þrjúhundruð sinnum í dag og fara svona hundraðogsjötíu sinnum í bloggrúnt.

Huh... Þetta er alveg dead boring.

En.... svo þið verðið ekki alveg dead á að lesa þetta röfl í mér þá kemur ein góð hér :)

LRRTM...

2007-08-01T14:13:00.000Z

.... er gen sem sagt er að stjórni því hvort maður verði örvhentur eða ekki. Einnig eiga þeir sem bera genið á hættu að vera geðklofa. Eða það stendur í mogganum allavega, og aldrei lýgur nú mogginn, ooonei! Þannig ég hlýt að eiga meiri hættu á að verða geðklofi, heldur en þessi 90% (eða hvað sem það nú er) sem eru rétthent, fyrst ég er svona aðeins vinstri sinnuð. Svo þið skuluð bara passa ykkur á mér, ég gæti leynt á einhverju óvæntu! Ha Ha Ha...

Æ, verð nú samt að segja að mér finnst þetta allt saman vera hálfgerð vitleysa. Veit ekki hvað ykkur hinum finnst. Kannski er ég bara í vörn, því ég er í "minnihlutahóp" ha ha ha....

En að öðru. Er einhver sem veit eða getur sagt mér hvar maður getur búið til nýtt "template" og þá er ég ekki að meina það sem er fyrir í bloggernum, heldur svona köstom dísægn sem maður gerir sjálfur. Er reyndar algjör sökker í þessu HTML dóti öllu saman, en hva... ég ætti nú að geta lært það eins og aðrir. Langar svo að breyta útlitinu en nenni ekki að vera leita endalaust að einhverjum upplýsingum. Svo endilega látið ljós ykkar skína nördin mín :)

KV.

Lefty JK

c",)

2007-07-27T18:46:00.000Z

Ég get orðið farið að byrja alla "pósta" á "langt síðan síðast". Það líður alltaf orðið svo langur tími á milli þess að ég hendi einhverju hingað inn. En ætla nú samt að láta vita aðeins af mér.

Er búin að fara í smá sumarfrí. Tók tvær vikur núna í júlí og er að klára fyrstu vinnuvikuna eftir frí núna, og meeeen hvað ég hefði verið til í að vera lengur í fríi. Ömurlegt að þurfa hangsa í vinnuni all day long, ég tala nú ekki um þegar 12 tíma vakt bíður.... En ég á nú samt meira frí eftir, þessar 2 vikur voru bara part one. Ætla halda áfram að njóta blíðunnar og lífsins í ágúst, hef allavega eitthvað til að hlakka til.

Trúi því samt ekki að það sé farið að síga á seinni hluta sumarsins. Mér finnst sumarið bara vera rétt byrjað en það er víst ekki svo. Áður en ég veit af verð ég farin að sjá litla krakkaorma með skólatöskunar á bakinu, verð farin að bölva brjáluðu traffíkinni á leiðinni í vinnunna, og fer að taka upp kartöflur í sveitinni. Sumarið er bara allt oft stutt, en um að gera njóta þess meðan það er.

Gerði eitt í sumarfríinu sem ég hef ætlað mér að gera lengi. Ég sleit sambandi sem hefur staðið í heil fimm ár. Við höfðum gengið í gegnum súrt og sætt saman og átt góðar stundir, en þær slæmu voru farnar að vera of margar, svo þetta var ekki alveg að ganga fannst mér. Hann fullnægði ekki kröfum mínum og var búinn að missa mikið af þeim sjarma sem hann hafði þegar ég hitti hann fyrst, þokkinn var farinn. Ég bara varð því að losa mig við hann, fá mér einhvern sem hefur meiri snerpu, er kröftugri og umfram allt -flottari ;) ;) ;)

Jábbs, þið gátuð rétt (geri ég ráð fyrir). Við Skranser erum ekki lengur eitt! Hann er kominn í eigu annars og veit ég að sá á eftir að fara vel með hann. Gott að vita af því að hann er í góðum höndum, því ég vildi honum nú alls ekkert illt, enda skildum við í góðu.

Sá nýji er Toyota Auris, svartur. Er ekki komin með gælunafn á gripinn ennþá, og kannski geri ég það ekkert, erum bara enn að kynnast og hefur þetta gengið vel enn sem komið er. Me like ;) Svo er það bara spurningin um "once you go black..."

2007-06-28T12:27:00.001Z

Mikið líst mér ljómandi vel á veðrið í dag.
Sól, smá gola og heitt.
Lovely!

Heitu pottarnir verða sko pottþétt heimsóttir í dag.
Bikiní og sólarvörnin við höndina svo nú er bara að bíða eftir að klukkan slái fjögur og þá er ég rokin.

Sól sól skín á mig c",)

2007-06-26T10:12:00.000Z

Fjallatrít á dagskrá í dag. Æðislegt veður svo ég kvarta nú ekki. Planið er að klífa Keili í góða veðrinu og njóta útsýnisins og skella sér í heitu pottana í einhverri laug eftir það.
Fjallatrítl síðustu viku gekk vel, fórum bara stutt í það sinn enda saumó um kvöldið. Var því bara trítlað á hólinn Helgafell í Mosfellssveit því tími gafst ekki í stærri "hól".

Helgin leið svo með tilheyrandi skralli. Kíkti út bæði föstudags- og laugardagskvöldið og hefur það bara ekki gerst í þvílíkt langann tíma. Var að fara á tjúttið í fyrsta sinn eftir að reykingabannið hefur verið sett á og var það eitt og sér spes upplifun fyrir sig. Á föstudagskvöldið hrökktumst við Glimmergellan á milli staða, því alltaf gaus upp einhver ógeðis skítalykt sem flæmdi okkur í burtu. Okey maður meikar margt á djamminu, en endalausa viðrekstrarfýlu er ég ekki alveg að gúddera. En skítafýla og önnur ólykt náði heldur ekki að forða mér algjörlega frá tjúttinu, svo ég fór bara aftur á laugardaginn, hehe.... Held að þessir skemmtistaðir verði aðeins að athuga loftræstigræjurnar hjá sér. Verð nú samt að viðurkenna að það var ansi ljúft að vakna daginn eftir og anga ekki eins og gamall öskubakki og geta hugsað sér að nota fötin, sem maður var í kvöldið áður, einhvern tímann aftur.

Drulluköku helgarinnar fær svo Thorvaldsen með sinn þvílíkt dýra bar. Það liggur við að maður þurfi að taka lán til að geta fengið sér í glas (eða öllu heldur glös) þar. Alveg gleited, fæ mér allavega ekki mojito þar aftur -þó hann hafi nú verið góður.

But I got high....

2007-06-19T11:27:00.000Z

Tjah.. hvað getur maður sagt.
Held bara að town-inn minn sé bara að breytast í eitthvað gettó. Dóp, sérsveitin og allt! Á meðan þetta var í gangi var ég bara í góðu yfirlæti hér í borg óttans, so it wasn't me. Reyndar er þetta eitthvað aðkomulið sem er að þessu veseni, ekki "saklausa" sveitafólkið.
En þið vitið allavega hvert þið eigið að fara ef ykkur langar í....

Fréttablaðið, 19. júní.
Sigaði hundi á lögregluna
Kalla þurfti út aukalið lögreglumanna frá Reykjavík og Selfossi, þegar kannabisræktun var gerð upptæk í Þykkvabænum á föstudagskvöld. Þremur Doberman hundum var sigað á lögregluna sem var á staðnum og beit einn þeirra lögreglumann.

Á föstudagskvöld var haldinn dansleikur í héraðinu og fékk lögreglan á Hvolsvelli lögreglumenn frá fíkniefnadeild lögreglunnar á höfuðborgarsvæðinu til að aðstoða við hefðbundið eftirlit. Jafnframt var ákveðið að skyggnast um eftir marijúanaræktun á bæ í Þykkvabæ, en lögreglunni á Hvolsvelli höfðu borist ábendingar um að slíkt kynni að vera í gangi.

Þegar lögreglumenn frá Hvolsvelli og fíkniefnadeildinni komu á vettvang var þar fyrir einn maður með þrjá hunda. Hann sigaði þeim umsvifalaust á lögreglumennina með þeim afleiðingum, að einn hundanna beit einn lögreglumanninn í lærið. Lögreglumaðurinn slapp þó við meiri háttar meiðsl.

Þegar þessi staða var komin upp var kallað á liðsauka frá lögreglunni á Selfossi. Þá voru lögreglumenn úr sérsveit Ríkislögreglustjóra kallaðir á staðinn. Jafnframt var fengin heimild til húsleitar. Samtals 52 kannabisgræðlingar fundust, sem voru ræktaðir í þar til gerðum geymsluhólfum við bæinn.

Maðurinn, sem beitti hundunum á lögregluna, var gestkomandi á bænum og var hann einn heima þegar lögregluna bar upphaflega að. Eftir að liðsauki hafði borist kom annar maður akandi að bænum, en hann mun vera húsráðandi þar og góðkunningi lögreglu. Mennirnir voru báðir handteknir, en þeir látnir lausir að loknum yfirheyrslum. Húsráðandi var grunaður um akstur undir áhrifum lyfja, auk þess sem hann hefur játað að eiga kannabisplönturnar. Samtals voru að störfum þarna níu lögreglumenn frá fjórum embættum þegar mest var.

Þetta er í þriðja skiptið sem lögreglan tekur marijúanaplöntur á þessum bæ á átta mánaða tímabili. Í fyrsta skiptið tók lögreglan svipað magn og um tíu plöntur í annað skiptið.

„Við erum með hert eftirlit og aðgerðir gegn málum af þessu tagi hér í héraði," segir Sveinn Rúnarsson, yfirlögregluþjónn á Hvolsvelli. „Við fáum aðstoð frá fíkniefnadeildinni í Reykjavík, svo og leitarhunda frá Ríkislögreglustjóra. Við erum með úrvalslið, sem skiptir öllu máli."

Löt, latari... er lötust!

2007-06-18T17:26:00.000Z

Er frekar löt þessa dagana. Það hefur verið allt annað en mikið að gera í vinnunni núna upp á síðkastið. Dagarnir hafa heldur betur verið rólegir, það rólegir að ég nenni varla orðið að gera nokkurn hlut og smá verk verða þvílíkt stór og erfið framkvæmdar í þessu letilífi. Rólegir dagar hafa oft verið vel þegnir og var ég orðin nokkuð langeygð eftir þeim í brjálæðinu í vetur, svona til að fá smá pásu frá öllu stressinu. Núna er þetta nokkuð breytt. Nú hundleiðist mér. Dagarnir eru miklu lengur að líða þegar maður hefur "ekkert" að gera og sum smá verkefni virðast jafnvel gleymast í þessu eirðarleysi, því það er jú svo "mikið að gera" -öhömmm.... Þetta er greinilega ekki að gera manni gott, því ég sit og geispa daginn út og daginn inn og á þá ósk heitasta að komast bara heim og leggja mig aðeins. Ég læt mér það þó ekki eftir þegar "vinnu" lýkur og reyni að gera eitthvað annað. Ætla ekkert að fara verða að einhverjum aumingja, allavega ekki strax!

Vildi bara að ég væri komin í frí. Þá hefði ég það allavega ekki á samviskunni að vera gera ekki neitt....

2007-06-17T14:16:00.000Z

Gleðilega þjóðhátíð!

Sól sól.... viltu skína á mig!

2007-06-12T15:04:00.000Z

Ég væri lygari ef ég segði að það væri ekki fúlt að vera vinna inni í dag.

Loksins þegar sólin lætur sjá sig og veðrið er gott þá þarf maður að eyða deginum inni. Alveg glatað!

Mig langar út, sitja í góða veðrinu, fá mér ís -nú eða einn öl í góðra vina hópi og hafa það gott.

En það verður Sund - EXPRESS, strax eftir vinnu og eins gott að sólin verði ekki farin þá!
Oh... vonandi verður gott veður þegar ég fer í sumarfrí.
*Krossa fingurnar*

Skálafell

2007-06-12T14:05:00.000Z

Önnur fjallganga gönguklúbbsins afstaðin.

Við, fjallagarpurinn (Anna) og fjallageitin (moi), tókum á móti nýjum meðlim í klúbbinn, henni Hafdísi sem fékk viðurnefnið fjallalambið (meeeee...).

Ferðinni var heitið upp á Skálafell á Hellisheiði í blíðskaparveðri, sól og smáááá golu. Fjallið á að vera öllu rólfæru fólki kleift að klífa, samkvæmt einhverjum kokkabókum, svo þetta átti nú ekki að vera mikið mál. Komumst við nú fljótt að því að maður þyrfti að vera eitthvað örlítið meira en rólfær til að fara upp, þetta var pínu bratt, en við létum það nú ekkert stoppa okkur. Að venju trítlaði fjallagarpurinn þetta létt og fimlega í fylgd með fjallalambinu á meðan fjallageitin var nær dauða en lífi á tímabili. En við vorum vel búnar eins og vönum fjallkonum sæmir og á uppleið var súkkulaði dregið upp úr töskunni og tvíefldist fjallageitin alveg við það og restin var leikur einn.

Þegar upp á topp var komið var svo heldur meira rok en "á jörðu niðri" og máttum við alveg passa okkur á því að missa ekki dótið okkar, því það hefði endað einhvers staðar á Eyrabakka hefði vindurinn "náð" því. En þetta fór allt saman vel. Eftir smá myndasessjón á toppnum var svo trítlað niður, sem var heldur auðveldara en leiðin upp, og hverir og fleira sniðugt skoðað.

Endaði ég svo á því að hálf haltra inn í bílinn, ekkert slösuð neitt, heldur þurfa þessar heeeelv.... blöðrur alltaf að láta vita af sér ef ég hreyfi á mér lappirnar. En það lagast og verð ég good to go í næstu ferð og í heita pottinn eftir labbið.

Takk fyrir mig fjallkonurnar mínar :)

Fjallageitin

Komnar upp á topp

Smá pósa við hverina

Blúbb blúbb

Seinheppni...

2007-06-08T13:53:00.000Z

Ha ha ha ha...

Ég sprakk alveg úr hlátri þegar ég las þessa frétt á mbl í dag. Hversu óheppinn getur maður orðið. OK, veit það er ljótt að hlægja að fötluðum, en það er bara ekki annað hægt. Hélt að svona myndi bara gerast í bíómyndunum, sé gaurinn alveg fyrir mér öskrandi á hjálp og treiler bílstjóran bara að tjilla með country múskina á fullu.

Brunað eftir hraðbraut í hjólastól á 80 km hraða

Maður sem er bundinn við hjólastól fór í óvænta ökuferð eftir bandarískri hraðbraut þegar honum tókst einhvernvegin að festa haldföngin aftan á hjólastólnum í grilli vörubifreiðar.
Segja má að vörubifreiðin hafi náð að skófla upp hjólastól Bens Carpenters þar sem hann var á ferðinni fyrir framan bifreiðina sem var að taka af stað á bensínstöð.

Vörubílsstjórinn gerði sér enga grein fyrir því sem hafði gerst. Sem betur fer var Carpenter með sætisólar spenntar sem komu í veg fyrir að hann hefði fallið úr stólnum, sem hefði að öllum líkindum orðið hans bani.

Aðrir ökumenn, sem óku fram hjá Carpenter, létu lögreglu vita af hinu nýja bílskrauti vörubifreiðarinnar. Lögreglan fann manninn sem slapp ómeiddur eftir svaðilförina, en hann var hinsvegar enn fastur á grillinu þegar lögreglan kom að honum, segir á fréttavef BBC.
Lögreglan í bænum Paw Paw í Michigan í Bandaríkjunum segja að Carpenter hafi tjáð þeim að þetta hafi verið „allsvakalegt ferðalag“. Eina umkvörtunarefni hans var sú staðreynd að í hamaganginum hafi gosið hans hellst niður.

Hraðast ók vörubifreiðin á um 80 km hraða er hún brunaði eftir Red Arrow hraðbrautinni.
Eftir að hafa ekið nokkra kílómetra stöðvaði vörubílstjórinn loks bifreiðina á lóð flutningafyrirtækis og þar greindi lögreglan honum frá því að hann hefði ekki verið einn á ferð.
Eins og gefur að skilja átti vörubílstjórinn erfitt með að trúa því að maður í hjólastól væri fastur framan á bifreiðinni fyrr en hann sá það sjálfur.

Laumufarþeginn

2007-06-04T14:23:00.000Z

Þegar ég hef verið að pakka niður í töskurnar í London, þá hefur einn laumufarþegi stungið sér með í einn af fatabunkunum. Þessi farþegi er þó ekki neitt dýr eða neitt af því taginu heldur einhver leiðinda kvefpúki. Þessi kvefpúki hefur ekkert verið að láta lítið fyrir sér fara síðan ég kom heim, því frá því á miðvikudag hef ég verið með stíflað nef og hausverk (sem var hálf stíflaður líka) og í kjölfarið kom einhver hálsbólga. Náði ég svo toppnum um helgina þegar einhver helv... hósti bættist í fjörið og röddin í mér tók sér frí.

Ég held nú samt að mér sé að takast smá saman að losna við þennan kvefpúka, nefið er ekki jafn stíflað og röddinn hefur lagast eitthvað smávegis en er samt ekki nógu góð, en held áfram að taka svona hóstaköst alveg villt og galið. Vonandi fer þetta bara að lagast sem fyrst, nenni þessu veseni ekki! En ég mætti svosem þakka fyrir að þetta er bara kvef, ekki eitthvað alvarlegra en það. Gæti verið verra!

Ef einhver vill ættleiða eitt lítið "gæludýr" þá bara látið mig vita og ég kem með kvefpúkann um hæl. Hans verður aldeilis ekki saknað.

Honey, I'm home!

2007-05-31T23:15:00.000Z

Sælar elskurnar mínar, er komin aftur frá London.Er búin að jafna mig á flugþreytunni svona nokkurn veginn, svo það er ekkert sem stendur í vegi fyrir að koma með eins og eina færslu.

London var eins og hún á að vera, skýjuð og skítug með slatta af rigningu og roki, svona on the side. London var líka full af búðum, börum og fólki (eiginlega allt of mörgu fólki) og góðri stemmingu að sjálfsögðu.

Tókum við stöllur svo smá trylling í búðunum á Oxford Street og víðar undir dyggri leiðsögn Hennýar sem sá um að leiða okkur inn í búðirnar meðan ég og Ninna prófuðum kreditkortin okkar aðeins. Rigningin í London sá svo til þess að kortin myndu ekki brenna yfir um, því það gat orðið vægast sagt blautt. Var því eina ráðið að hlaupa enn hraðar úr einni búð yfir í aðra og versla meira, því kortin voru stundum alveg on fire ;) Tókum við svo líka smá túrista fíling á ferðina og kíktum í Maddömmuna og á furðulega liðið í Camden, var alveg sérlega áhugavert.

Svo var auðvitað kíkt á barina líka, en ekki hvað? Tókum við Henný einn mjög seiðandi dans á dansgólfinu sem fékk gaurana í kringum okkur alveg til að tryllast. Þeim fannst við svo æðislegar að þeir meir að segja gáfu frá sér ýmis undarleg hljóð (að okkur fannst) til að lýsa hrifningu sinni. Við stöllur létum það nú ekkert á okkur fá og héldum bara áfram að dilla okkur við ljúfa tóna DJ-ins og skemmtum okkur til hins ýtrasta og held ég að ég hafi aldrei hlegið jafn mikið þegar ég hef verið að dansa og þarna með þessa gæja í kringum okkur. You just had to be there.

Annars höguðum við ferðalangarnir okkur mjög vel og vorum landi og þjóð til mikils sóma. Reyndar afrekað undirrituð það að vera skömmuð, opinberlega, í undergroundinu. Já, þið lásuð rétt ég var skömmuð! Var það reyndar vegna atviks sem var alveg "óvart" þannig séð, ég var bara saklaus túristi... Málið var að við sátum og vorum að bíða eftir lestinni okkar, mér var farin að leiðast biðin eitthvað og fór að fikta í myndavélinni og taka myndir af hinu og þessu, sárasaklaust alveg hreint. Nema hvað ég heyri að lestin er að koma og ákveð að það væri nú sniðugt að smella einni af henni bruna inn í stöðina. Svo kemur lestin og ég smelli af. Við þetta flautar lestarstjórinn á mig og okkur fannst það bara fyndið, héldum að það væri bara húmor í kallinum og hann væri bara að "heilsa" en boy ó boy, we were wrong. Þegar komið er inn í lestarvagnin og lestin farin af stað kemur tilkynning í hátalarakerfinu til manneskjunar með myndavélina að það væri stranglega bannað að taka myndir með flassi í göngunum og bla bla bla... Ég vissi auðvitað alveg upp á mig sökina, kafroðnaði og var eins og kjáni meðan stelpurnar hlógu eins og fífl að krimmanum mér! Sem betur fer voru nú ekkert margir í vagninum sem við fórum í því það fór ekkert á milli mála um hvern lestarstjórinn var að tala um. Ég man þetta bara næst þegar ég fer í lestina, lexían er lærð.

Henný og Gaui ég þakka kærlega vel fyrir mig. Það var alveg æði að fá að heimsækja ykkur
Þar til næst
JK

Football Fans ;)

Skvísurnar og mr. JT

Beta og co.

Henný Monroe

Hrökkluðumst inn úr beljandi rigningu

Blaut og súr og ein eldhress

London

2007-05-25T15:49:00.000Z

Hey...

Bara deila því með ykkur að ég er að fara til LONDON á morgun.

Hafið það bara gott yfir hvítasunnuhelgina, allavega ætla ég að hafa það gott og skemmta mér alveg stórkostlega.

Bless í bili

Komin niður...

2007-05-23T21:19:00.000Z

Jæja, þá er ég búin að trítla upp Úlfarsfellið.
Verð ég nú að segja að það tók alveg vel á, enda völdum við fjallgarparnir aldeilis ekki léttu, nú eða réttu (ef út í það er farið) leiðina upp, þetta var frekar brött leið og aldeilis ekki sú sem hægt er að keyra. Lentum við í alls konar veðri á uppleiðinni, sól, roki, hagléli (og sól um leið) og smá rigningardropum. En við hörkukonurnar létum það nú ekki stoppa okkur og héldum áfram að valhoppa á milli steinanna og þúfnanna, eða svona næstum því og náðum upp á topp.

Svo er bara að finna hvert á að fara í næstu fjalla ferð, kannski Úlfarsfellið verði bara farið aftur og þá auðveldari leiðin ;)

Læt fylgja með nokkrar pics.

Óveðursskýið sem elti okkur upp

Komnar upp á topp, fjallagarpurinn og fjallageitin

Næstum því eins hátt og á Esjunni ;)

Næstum mánuður...

2007-05-23T13:55:00.000Z

...síðan ég skellti einhverju hingað inn.
Finnst samt einhvern veginn ekki svo vera, en það er greinilegt að ég verð MJÖG seint talin til einhverra afreksbloggara. Búin að fá fullt af hugmyndum að færslum, sem einhverra hluta vegna hafa bara ekki ratað hingað inn.

Ég er búin að bralla margt skemmtilegt og minna skemmtilegt síðan síðast.
- Fór í sérdeilis skemmtilega sumarbústaðarferð með kjaftöskunum mínum. Ummm.. .hvað það var næs. Lá í pottinum (brann að vísu) sötraði á breezer, blushi og fleiri góðum veigum, borðaði góðan mat og hafði það gott.
- Lærði svo fyrir próf í ónæmisfræði, það var ekki eins skemmtilegt.
- Tók próf í ónæmisfræði, það var ennþá minna skemmtilegt.
- Fór svo í júró/kosninga/prófloka/afmælispartý, það var skemmtilegt.
- og svo bara fleira og fleira...

Næsta skemmtilega mál á dagskrá er svo Londonferð um helgina. Hlakka ekkert smá mikið til. Ferðafélaginn verður Jónína og ætlum við að láta greipar sópa í búðunum á Oxford og víða og skoða svoan eins og einn, tvo bari. Henný og Gaui eru svo æðisleg að vilja hýsa okkur, svo þetta er bara alveg frábært!

Vona nú samt að ég verði með lappirnar í lagi í ferðinni, því áskorun dagsins er fjallganga. Ég (fjallageit) og Anna (fjallagarpur) ætlum að labba upp á Úlfarsfell. Ætli það endi ekki með því að Anna skokki þetta léttilega upp og ég skríði á fjórum fótum... neh... vonum ekki!

Læt ykkur vita hvernig fer!

Bless í bili

Blúbb...

2007-04-24T00:05:00.000Z

Jæja.... aftur komin ný vinnuvika, svei mér þá, það eru bara alltaf mánudagar. -Geisp!

Helgin leið hjá með tilheyrandi skralli og skemmtilegheitum. Átti alveg stórskemmtilegt laugardagskvöld með the Buddettes. Byrjuðum á smá grilleríi og skakkaföllum sem því fylgja, þar sem undirrituð var sett í hlutverk yfirgrillara. Veit ekki alveg hvaðan stelpurnar fengu þá flugu í höfuðið að ég ætti vel í það hlutverk en ég leysti þetta allavega af hendi án nokkurs stórvægilegs skaða, bara ein kótiletta brann og tel ég það bara nokkuð vel sloppið. Svo vorum við nú nokkuð vel birgar af Blushi og ýmsum öðrum góðum veigum og runnu þær ljúft niður, eiginlega einum of ljúft, on the side var svo slatti af slúðri og smá dash af "drama" svo úr þessu var gott kvöld. Kíktum svo í bæinn eftir að hafa spilað smá af kjöthleifnum (Meatloaf) og Dirty Dancing -klikkum sko ekkert á stelpumúsíkinni, alveg brill :)

Var svo á tjúttinu fram undir morgun og endaði kvöldið á gay-bar, reyndar af algjörri slysni. Alltaf soldið sérstök stemming að fara á svoleiðis staði, en það var samt gaman.

Næsta mál á dagskrá er svo bústaðarferð með saumó um helgina. Deeem hvað ég ætla að hafa það gott. Liggja í bleyti í pottinum með glas við hönd, og ekkert vatnsglas neitt :-) Þess á milli verður legið á beit og slappað af. Hlakka sko til!

Læt svo fylgja hér eina af the Buddettes í góðu geimi

Og hér er yours truly að myrða kótilettu við grillið

Bílar

2007-04-22T17:41:00.000Z

Síðustu dagana hefur líf mitt mikið snúist um bíla.
Skoða bíla, prófa bíla, fara með bíl í skoðun, fara með bíl á verkstæði, fara í tryggingarnar út af bíl, hringja í tryggingarnar út af bíl -oftar en einu sinni og oftar en tvisvar, hugsa um bíla, þvo bíl, tala um bíla... ég gæti alveg haldið áfram með meira. Og þetta bílastúss er ekkert búið, því ég þarf að fara með bílinn á verkstæði og ekki eitt heldur tvö. Mig langar að selja minn bíl og kaupa mér annann bíl.
Bílar bílar bílar...
Með þessu áframhaldi verð ég eins og versti karlmaður, hugsa bara um bíla! Er reyndar orðin soldið þreytt á þessu bílastússi, langar bara fara gera eitthvað svona stelpulegt eins og að kaupa mér skó!

Kannski hætti ég þessu bílagrúski bara og kaupi mér bara hjól.
Hvernig væri það ?

2007-04-19T13:12:00.000Z

Gleðilegt sumar!

Veturinn að klárast!

2007-04-18T17:10:00.000Z

Síðasti dagur vetrar í dag. Langþráð sumarið tekur við á morgunn, eða allavega á almanakinu alveg örugglega ekki í veðráttunni. Finnst bara gott að hugsa til þess að sumarið sé að koma, þó ég sé nú alveg að fíla veturinn vel þá er líka gott að fá smá hlýju og "gott" veður líka. Ætla bara eiga rólegann dag á morgunn og njóta þess að eiga frí. Ætla sko að sofa út og gera eitthvað skemmtilegt :) Nenni engu tjútti í kvöld, en bæti það bara upp um helgina. Miðbærinn er hvort eð er í ljósum logum akkúrat þessa stundina svo allt djamm væri frekar dauðadæmt. Planið um helgina er að hafa smá Spazza hitting og svo ætla The Buddettes að bregða undir sig betri fætinum og mála bæinn rauðann :) Verst er að inn í þessu plani þarf ég líka að troða inn helgarvinnu, en oh well shit happens og læt ég það sko ekki stoppa mig!

Don't stop me Now, I'm havin' such a good time....

Hlakka bara til og ætla skemmta mér vel!

Sunnudagur

2007-04-15T14:51:00.000Z

Ný vika framundan. Vona nú að þessi óhappavika fari ekkert að endurtaka sig aftur, krossa bara fingurnar og segji sjö, níu, þrettán og vona það besta. Veturinn alveg að verða búinn og "sumarið" rétt handan við hornið og stutt vinnuvikan í þetta sinn, lovely!

Sit annars bara í vinnunni. Er ein á vaktinni og bara rólegt hjá mér í dag, sem er bara fínt. Maula bara bingókúlur og er með útvarpið á fullu og hlusta á Westlife að syngja Total Eclipse of the Heart, liggur við að ég syngi með en maður veit nú aldrei hver gæti birst hérna, svo það er bara stuð og stemming hjá mér. Finnst lagið nú samt betra með Bonnie Tyler, miklu meira fútt og kraftur í því hjá henni!
Verð alveg að viðurkenna að ég er smá sökker fyrir svona rokk-ástarballöðum, he he he....

Læt textann fylgja með svo þið getið raulað þetta líka

"Total Eclipse of the Heart"
Turnaround, Every now and then I get a little bit lonely and you're never coming round ,
Turnaround, Every now and then I get a little bit tired of listening to the sound of my tears
Turnaround, Every now and then I get a little bit nervous that the best of all the years have gone by
Turnaround, Every now and then I get a little bit terrified and then I see the look in your eyes
Turnaround bright eyes, Every now and then I fall apart
Turnaround bright eyes, Every now and then I fall apart

Turnaround, Every now and then I get a little bit restless and I dream of something wild
Turnaround, Every now and then I get a little bit helpless and I'm lying like a child in your arms
Turnaround, Every now and then I get a little bit angry and I know I've got to get out and cry
Turnaround, Every now and then I get a little bit terrified but then I see the look in your eyes
Turnaround bright eyes, Every now and then I fall apart
Turnaround bright eyes, Every now and then I fall apart

And I need you now tonight
And I need you more than ever
And if you only hold me tight
We'll be holding on forever And we'll only be making it right
Cause we'll never be wrong together
We can take it to the end of the line
Your love is like a shadow on me all of the time
I don't know what to do and I'm always in the dark
We're living in a powder keg and giving off sparks I really need you tonight
Forever's gonna start tonight
Forever's gonna start tonight

Once upon a time I was falling in love
But now I'm only falling apart
There's nothing I can do
A total eclipse of the heart
Once upon a time there was light in my life
But now there's only love in the dark
Nothing I can say
A total eclipse of the heart

Turnaround bright eyes
Turnaround bright eyes
Turnaround, Every now and then I know you'll never be the boy you always wanted to be Turnaround, Every now then I know you'll always be the only boy who wanted me the way that I am
Turnaround, Every now and then I know there's no one in the universe as magical and wonderous as you
Turnaround, Every now and then I know there's nothing any better and there's nothing that I just wouldn't do
Turnaround bright eyes, Every now and then I fall apart
Turnaround bright eyes, Every now and then I fall apart

And I need you now tonight
And I need you more than ever
And if you'll only hold me tight
We'll be holding on forever
And we'll only be making it right
Cause we'll never be wrong together
We can take it to the end of the line
Your love is like a shadow on me all of the time
I don't know what to do and
I'm always in the dark
We're living in a powder keg and giving off sparks
I really need you tonight
Forever's gonna start tonight
Forever's gonna start tonight

Once upon a time I was falling in love
But now I'm only falling apart
Nothing I can do
A total eclipse of the heart
Once upon a time there was light in my life
But now there's only love in the dark
Nothing I can say
A total eclipse of the heart

7 - 9 - 13

2007-04-13T15:19:00.000Z

Föstudagurinn þrettándi í dag. Óhappadagurinn mikli.

Ég vona nú að ég sleppi við alla óheppni í dag, er alveg búin að fá minn óheppni-skammt þessa vikuna.

Var nefnilega svo "heppinn" að það var keyrt á bílinn minn, búhúú.... En hann er þó nokkurn veginn í lagi, allavega ekkert sem ekki er hægt að laga, svo nú er bara að sjá hvort að það borgi sig að gera við Skranser greyið. Hann er víst orðinn eitthvað gamall. Bíð eftir að fara með hann á verkstæði, svo þetta kemur allt bráðum í ljós.

Ætla bara hafa þetta stutt núna!

Passið ykkur bara á bílunum

Money, money, money....

2007-04-04T13:35:00.000Z

Nú jæja, mín bara að verða rík! Eða svo segir Mogga stjörnuspáin allavega og Mogginn lýgur nú aldrei ;)

"Krónurnar eru loks að koma í kassann! Þú færð vexti og vaxtavexti. Vinnan er bara ánægjuleg og þú færð orku úr umhverfinu. Þú ert ekki að gera neitt til að skapa þessar aðstæður, þú ert bara þú sjálf/ur. "

Annars er ég bara í góðu geimi, ánægð með lífið og tilveruna. Komst að nokkru í gær sem kom mér bara ánægjulega á óvart, svo ég er bara kát. Fríið er líka alveg að bresta á og er það bara hið besta mál. Ætla byrja sældina á því að fara í kvöld í góðra vina hópi að fá mér eitthvað gott í gogginn og jafnvel súpa á eins og einni vætvæn með.. ummm... hlakka bara til :)

Svo eru fleiri spennandi hlutir í gangi. Hafa gefist ákveðin tækifæri og nú er bara að sjá og spekúlera hvað maður eigi að gera, er rosa spennandi en rosa erfitt um leið svo það er bara undir mér komið hvað ég vil gera. Ætla liggja á meltunni með þetta og sjá hvað gerist, kemur í ljós síðar.

Páskafríið...

2007-04-02T18:42:00.000Z

...er alveg að skella á.
Mikið verður nú gott að fá smá tíma frá vinnunni og geta slappað eitthvað aðeins af. Ég þykist ætla læra eitthvað í ónæmisfræðinni í fríinu en hef samt tilfinningu fyrir því að það eigi eitthvað eftir að gerast lítið í þeim málum. Ætli ég liggi ekki bara á (súkkulaði)beit og horfi á sjónvarpið. Svo er nú líka leikhúsferð og tvö fjölskylduboð á dagskránni svo ég verð ekki bara heima í leti.

Lagði leið mína aðeins á tjúttið í bæinum um helgina. Hef ekki farið í þónokkuð langann tíma og var alveg farið að langa gera eitthvað annað en að horfa á sjónvarp allar helgar, ekki laust frá því að djammpúkinn í manni sé eitthvað að vakna aftur. Dreif mig með glimmergellunni og skemmtum við okkur bara vel saman og höguðum okkur eins og prúðum dömum sæmir, en ekki hvað... :) Hlakka bara til að fara á tjúttið næst!

Er enn að velta fyrir mér hvað ég á að gera af mér í sumarfríiu, en vonandi fer nú að koma einhver mynd á þetta hjá mér. Ætla ég bara láta þetta verða skemmtilegt sumar og reyna vera dugleg við að rífa mig uppúr rútínunni, því ef ég geri það ekki -hver gerir það þá.
Segi bara "Think ahead to get ahead"