Kominn tími á að setja nokkrar línur hér inn.
Reyndar er þetta tilraun #2 í dag til þess... en óvart eyddi ég fyrri færslunni, svo hér reyni ég enn á ný.

Er bara að nota einhvern hangs tíma hér í vinnuni, sem og oft áður, en það er frekar rólegt eitthvað hérna hjá mér þessa dagana. Og ekki bara í vinnunni heldur líka eftir hana. Geri voða lítið en að glápa á imbann og skelli mér svona stöku sinnum í heita pottinn til að tékka á gæjunum og svona ;) Verst er þó að allar laugar eru fullar af einhverjum ferðamönnum sem eru nú oftar en ekki í hallærislegri kantinum. Þannig að þar er góða "útsýnið" farið :(

Annars var helgin bara stór góð.
Kíkti í afmæli til Hafdísar skvíz. Var þrusu stemming þar og rann bláa bollan nokkuð ljúft niður. Aldís var nokkuð dugleg að smella nokkrum myndum af liðinu og má nú sjá að við vorum alveg eldhressar ;o)

Sálin klikkaði svo ekki frekar en fyrri daginn. Sama hvað maður veðrur gamall er alltaf jafn gaman að fara á sálarball :)

Laugardagurinn var svo ekkert að frídegi eins og planað hafði verið. Eyddi honum nú bara í vinnu og skemmtilegheit. Svo að ekki var nein fríhelgi þessa helgina, og er soldið í þá næstu. Verð nú samt að segja að mig er farið að langa sodlið að eiga eins og einn "leti-laugardag". Þar sem ég hef ekki átt neinn svoleiðis síðan fyrir prófin í vor. Verst er að mér dettur ekkert sniðugt í hug sem ég gæti gert, en það verður lítið mál að redda því.

Engin plön eru komin fyrir komandi helgi, svo að ef ykkur langar að gera eitthvað skemmtilegt, endilega láta mig vita :)

En Vegó og hvítvín bíða mín í kvöld... yum yum... :þ